資料引用/摘錄:保良局顏寶鈴書院官網schoolandtopick教育王國中學概覽2019/2020

當大家努力地為呈分試奮鬥,有冇諗過將來要讀咩中學呢?可能大家都想報讀位於土瓜灣既保良局顏寶玲書院,小編認為呢間書院深受家長同埋同學歡迎。其實,佢係一間直資英中,因為學校注重學生嘅體育同音樂發展,所以吸引唔少人報讀。再者,近年學生亦係公開試考取好成績。網上都有唔少對呢間學校既正面評論,咁究竟呢間學校有咩特色呢?眾所周知,保良局顏寶玲書院係一間直資學校,可能大家都會好關心學費問題。如果想報讀呢間學校,面試前有乜嘢要注意呢?今日Tutor Circle 尋補嘅小編就會同大家一一拆解,介紹一吓保良局顏寶玲書院。

 

學校簡介

圖片來源 

歡迎透過GRWTH Pay使用消費券繳付學費
保良局顏寶鈴書院校徽
保良局顏寶鈴書院校徽

首先,保良局顏寶玲書院係2003年由保良局創立,擁有約17年嘅優良教學,為一所土瓜灣直資男女學校,屬於千禧校舍。本校主要以英文作為教學語言,本校嘅校訓係「愛敬勤誠」,而學校嘅辦學宗旨係為學生提供理想學習環境,營造關懷、愉快之校園文化。注重五育均衡發展,培養語文能力、批判思維及主動學習精神,追求卓越,積極面對廿一世紀之挑戰。學校亦設立IB課程,為學生提供多元化嘅教育。現時,全校開24班,教師為82人,班師比例約3.42,與大部分學校相似。按照「教育局中學學位分配辦法」收生,幾乎全部學生都係嚟自Band One嘅小六畢業生。


Copyright © 2021 Tutor Circle 尋補. All rights reserved. 此文章未經許可,不得轉載。
Copyright © 2021 Tutor Circle 尋補. All rights reserved. 此文章未經許可,不得轉載。

 

[延伸閲讀]【補習社推薦】挑選補習社的四大原則 & 離島區補習社推介

[延伸閲讀]Zoom上堂小技巧 屋企環境不佳不方便上堂? 

 

學校特色

1. IB課程

圖片來源 

保良局顏寶玲書院也有提供IB、IGCSE課程
保良局顏寶玲書院也有提供IB、IGCSE課程

另外,相信有唔少同學都可能想係高中時期修讀IB課程如果你有呢個諗法,保良局顏寶玲書院就啱晒你啦!顏寶鈴書院喺2015年開始推行兩年制IB-DP國際文憑大學預科課程,深受同學歡迎,皆因學校係呢個課程給予學生嘅資源豐富,每一班嘅人數只係得7至25位學生,實施小班教學,更加容易跟進同學嘅學習表現。不過,本校仍然為初中學生提供傳統課程,大部分既初中學生都會跟住老師既教學進度去學習,但係IB課程追求自主學習,從多角度思考,所以如果高中學生一開始就修讀IB課程,可能會覺得吃力,始終IB課程既考試同DSE考試都會有唔少嘅分別。為咗幫助學生更容易掌握IB課程嘅考試技巧,學校會為選修IB的中四學生先提供一年制IGCSE課程,再涵接至中五開始的兩年制IB-DP學制。

 

2. 課外活動

除此之外,各位同學係唔係希望可以參與唔同嘅課外活動,享受多姿多彩嘅校園生活呢?保良局顏寶鈴書院有唔同既學會,例如:童軍丶足球隊等等。雖然學校有唔同嘅學會,可以供學生參與,但係大家要記住真係揀一啲符合自己興趣嘅學會,因為除咗參與課外活動之外,大家仲要俾心機讀書,如果參與太多活動,可能會弄巧反拙。不過,小編好鼓勵中一嘅學生參與唔同嘅課外活動(當然,大家要平衡到讀書同埋參與課活動嘅時間),因為除咗可以識多啲朋友之外,仲可以增加對自己嘅肯定,希望大家可以開開心心地渡過喺中學最寶貴嘅六年。另外,學生喺課外活動方面亦都攞咗不俗嘅成績,例如學生喺第20屆全港中小學普通話演講比賽九龍區初中組中,獲取金獎、銅獎同埋最佳口才獎等三個獎項,可見,學校係課外活動方面都培養左唔少有潛質嘅學生。

 

設施

圖片來源 

SSP2019/2020 保良局顏寶鈴書院
鐘意研究中藥既同學仔,呢度啱囇你哋

然後,相信有唔少同學都好期待中學校舍,可能同小編一樣,會幻想校舍好大好靚。保良局顏寶玲書院絕對係大家嘅夢想校舍,因為書院佔地7000平方米,而且仲有好多唔同嘅設施。等小編同大家介紹一下啦!

主樓設有中藥研究中心、輔導教學室、電腦室、演講室、會議室、附樓座之禮堂、多用途禮堂、健身室、學生活動室、跑道及跳遠沙池等;新翼設有全天候恆溫泳池、學生宿舍、天文氣象科學中心、音樂練習室、觀星角等,令大家有一個開開心心既校園生活。假如你想要多啲空間,係一間面積大既學校讀書,報讀保良局顏書玲書院絕對係一個唔錯嘅選擇。

 

學費

本校為直資學校,全年學費約 $34,700,詳情請參閱官網

此外,學校亦會收取家長教師會會費,為100元。

面試前有咩要留意?

圖片來源 

大家搵學校嘅時候,最緊要係揀一間適合自己
大家搵學校嘅時候,最緊要係揀一間適合自己

另一方面,每一年淨係招生講座,都有唔少家長出席,而入學面試更加係「爭崩頭」,究竟要點樣先可以有比較大嘅機會入讀本校呢?

  1. 摘錄某位家長係教育王國所提供嘅資料,顏寶鈴書院要求學生具備「讀得、玩得、講得、品德」四大條件,面試先看考生是否「讀得」、「講得」和有「品德」。小編認為學校係想睇大家可唔可以放膽去表達自己既意見,所以不妨喺屋企可以對住鏡子練習,令自己係面試場地唔好咁怯。
  2. 而且,假如考生霸佔整個發言時間、不回應對方的提問等行為,會把該考生的社交能力評核為較弱,被學校取錄嘅機會就會較微,所以大家一定要尊重其他考生,回應左佢哋嘅意見先,然後發表自己嘅意見,同埋唔好霸住成個發言時間,如果唔係就好扣印象分㗎啦!

小編以上所提供嘅注意事項並非「仙丹」,唔係跟住做,就一定可以入讀本校,只不過俾大家作為參考。不過,小編十分肯定就係假如大家有意入讀本校,必需具備良好嘅成績同埋操行,希望大家都可以順順利利入讀心儀既學校。由於保良局顏寶鈴書院系一間受盡學生、家長歡迎嘅學校,所以競爭力十分大,大家要系面試前做好準備,令自己系面試既時候得心應手。

 

總結

總括而言,保良局顏寶玲書院係一間深受家長歡迎嘅學校,每一年都有好多學生報讀。不過,小編係教育王國見到有家長表示學校功課多,會比較催谷學生既成績,所以大家要留意!向呢間學校作出申請之前,要衡量自己既能力,同埋要有心理準備,去迎接末來既挑戰!其實,呢個世界好大,全港都有好多好叻、操行好好既中學,唔需要局限於自己一定要讀名校,當然保良局顏書玲書院系一個唔錯嘅選擇啦!講到尾,大家搵學校嘅時候,最緊要係揀一間適合自己。始終大家起碼有六年時間系中學度過,希望系來年各位小六學生都可以入讀自己心儀既學校,享受校園生活。

 

[延伸閲讀]【名校中學】港島中學 出產著名校友 

[延伸閲讀]【義工活動】疫情肆虐 向你介紹五大網上義工活動 

[延伸閲讀]【名校中學】迦密主恩中學 主打社會精英 

 

此文章純屬blogger個人分享,並不代表本網誌立場。

 

*本文根據了保良局顏寶鈴書院官網schoolandtopick教育王國中學概覽2019/2020

 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram LinkedIn,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp sample 補習網 數學補習
大學五件事 綜合格式

 

*此文章純屬 Blogger 個人分享,並不代表本網誌立場。

尋補?Tutor Circle!

其他人還看了……

中學排名  呈分試  升中面試  英文補習

大學收分  Jupas  副學士  DSE筆記

大學五件事  私補價錢  Ocamp  暑期工

生日好去處  IQ題  任坐Cafe

👇🏻 緊貼最新資訊!

Tutor Circle
Facebook15k
Instagram41k
LinkedIn
Youtube
Telegram

留言