【聖保羅男女中學St. Paul’s Co-educational College】2020升中 要有家底先讀到？

資料引用/摘錄：聖保羅男女學校嘅官網，Schooland及中學概覽

就嚟到11月，一眾小六學生又要開始計劃揀學校啦！如果你喺小六生，可能你會覺得迷惘，唔知點樣揀學校，覺得好煩惱，好攰。其實，呢個係正常嘅現象，想當年小編都覺得好困惑，對揀學校有選擇困難症，唔知揀傳統名校好似拔萃書院、喇沙書院、聖保羅男女中學，定喺揀近自己屋企既地區學校。不過，唔緊要！今日Tutor Circle尋補既小編會同大家介紹一間中學，佢就喺聖保羅男女中學St. Paul’s Co-educational College，相信唔少同學仔都聽過呢間名校，差唔多個個都識，或者你會想知究竟佢有咩咁特別，點解咁多人報讀，小編今日就同大家拆解一下，為大家解答心中疑惑，如果你哋有興趣報讀聖保羅男女中學，想知道更多資訊，就繼續睇呢個文章啦！

學校資訊簡介

圖片來源 

聖保羅男女中學，創立於1915年，由聖公會開辦，主要以英文授課，亦會用英文去引導學生思考。根據學校歷史，聖保羅男女中學喺第一間要求學生必須穿整齊校服嘅學校，建立獨特文化，而學校既辦學宗旨係希望學生能夠認識同秉持「信望愛」嘅概念，幫助學生變成未來嘅領導人才，追求對卓越嘅熱情，朝着夢想勇往直前，並鼓勵學生打開國際視野，積極裝備自己，迎接未來唔同既挑戰。同時，學校會培養學生對藝術既觸覺，希望佢哋可以集多項才能於一身，發揮潛能。

［延伸閲讀］【葵涌英中】佛教善德英文中學 

［延伸閲讀］【名校中學】保祿六世中學 校友遍佈各界 

設施

圖片來源 

聖保羅男女中學為配合特殊學生嘅需要，全部課室同埋特別室都已經設置視聽工具。學校佔地約6250平方米，設有齊全既空調系統，亦都有演講廳、食堂、藝廊、校園特別室等既設施，讓學生系學習之餘，亦可以享受校園生活，為學生營造一個良好嘅學習環境，激發學生對學習嘅動機。與其他學校唔同既地方喺聖保羅男女中學設有舍堂，令本港學生同海外學生可以一齊相處，互相學習，學習嘅地點，唔再局限於喺課室。

學校特色

優秀既公開試成績

近年，學校多次誕生狀元，唔少同學喺公開試表現優秀，經常奪取非凡成績，不斷成為文憑試既嬴家，雲集好多頂尖既菁英，例如今年有86.9%既學生喺英文攞到第五級或以上既成績，而喺數學科，有70%既學生攞到第五級或以上既成績，反映學生成績名列前茅，成績斐然，大部份黎自聖保羅男女既考生都能夠成為公開試既勝利者，唔少考生都攞到入讀大學嘅資格，甚至有好多大學都爭相取錄呢間學校嘅高材生，佢哋既成績真係無得輸，並唔喺浪得虛名，以實力得到大家既認同同讚賞。

提供種類繁多嘅課外活動

圖片來源 

學校希望可以促進學生嘅個人興趣，為學生提供唔同種類嘅課外活動，令佢哋有機會發揮潛能。學生可以根據自己嘅興趣，自由選擇課外活動，從而讓學生喺「德、智、體丶群丶美」都得到全面嘅發展。有見及此，學校好多唔同既學會，例如工藝、初級科學等學會。學校亦都會舉辦唔同嘅資優同增潤課程，提供適合嘅支援俾唔同需要嘅學生。

豐富校外學習活動

圖片來源 

聖保羅男女中學喺每個學年嘅首季都會舉辦「學生活動週」，喺老師嘅帶領之下，讓學生可以體驗一星期嘅戶外教學，擴闊眼界 。學校會舉辦唔同嘅活動，例如南京文化之旅、本地考察學習活動、大學及工商企業實習計劃等等，豐富人生經驗，以適應將來「深不可測」嘅職場，隨時做好準備。

［延伸閲讀］【全港中學排名】2020香港中學最新排名TOP100*內附名校詳細分析 (新增升中派位指南*)

［延伸閲讀］【喇沙書院La Salle College】傳統名校 

［延伸閲讀］【中學名校】保良局羅傑承（一九八三）中學

學費

根據聖保羅男女學校嘅官網，2019/20 學年中學的學費為每年港幣$64,500，而國際文憑課程學費為每年港幣$96,500。

總結

總括而言，聖保羅男女中學喺一間出色嘅學校，唔單止提供種類繁多嘅課外活動，亦都係公開文憑試取得好成績，可能你哋會覺得好難先攞到面試嘅資格，或者覺得佢哋嘅面試準則係要出生於精英家庭，但係其實聖保羅男女中學只會根據學生嘅潛能同才華，以作為錄取篩選標凖。如果大家想報讀呢間學校，都喺一個唔錯嘅選擇，值得一試。不過，小編要提醒大家聖保羅男女學校嘅教學模式相對來講會比較催谷，亦可能要肩負唔同嘅期望，令自己覺得好大壓力，所以想選擇呢間學校嘅同學仔要有心理準備。

此文章純屬blogger個人分享，並不代表本網誌立場。

*本文參考了聖保羅男女學校嘅官網，Schooland及中學概覽

想追返學校進度？Tutor Circle尋補有超過35,000個三大導師，最快兩小時幫你搵一個優秀既上門導師！

想搵 一個合適既私補老師

DSE讀得咁辛苦，想活用知識黎賺下外快？

想搵 好多好多私補學生

緊貼尋補 Blog、Facebook 、 Instagram同 LinkedIn，尋補？Tutor Circle！

Z世代 修辭手法 Ocamp
英文補習 上莊 中文補習 議論文
slp sample 補習網 數學補習
大學五件事 綜合格式

Comments