資料引用/摘錄:greenpeaceOpenRiceulifestyle

呢幾年素食越嚟越盛行,皆因一來可以保護環境,二來可以健康啲。最近,雖然疫情稍為放鬆,但係保持身體健康系長途戰,以預備將來。同埋而家素食餐廳的素食愈嚟愈多花款,小編食過有啲素,味道口感都好似肉,都幾好食。唔知大家有冇心郁郁想去素食餐廳食素呢?不如就等Tutor Circle尋補嘅小編介紹幾間素食餐廳俾你哋,可以有個資料參考翻。

1. 走肉‧朋友

圖片來源

素食自助餐】大角咀人氣素食「走肉朋友」 特色主題自助餐| U Food 香港餐廳及飲食資訊優惠網站

第一間要為大家推薦的係走肉·朋友,呢間素食餐廳主要係提供素食自助餐。小編覺得呢間素食餐廳做得最好嘅地方係佢會清楚標明食物嘅成份,所以會方便素食者去選擇。另外,小編喺OpenRice嗰度,見到有市民評論餐牌會每星期換一次,所以可以俾到新鮮感顧客,食物質素亦都唔錯。如果大家鍾意食茄子既話,不妨去呢間餐廳試試,因為有顧客稱讚呢度既釀茄子煎得好香。餐廳亦有提供炸物俾顧客選擇,例如芋香蕃薯球、煎釀三寶等等。除此之外,呢間餐廳既自助午餐(星期一至五),價錢十分親民,大概$68就可以限時食一個鐘。不過,小編都唔系十分肯定果價錢有冇變。晚市自助餐分咗四個指定時段,分別系6p.m,6:30p.m,8p.m同埋8:30p.m,小編提提大家要準時到達餐廳,如果遲到,餐廳系唔會補償返時間俾你,咁就唔抵啦!


Copyright © 2021 Tutor Circle 尋補. All rights reserved. 此文章未經許可,不得轉載。
Copyright © 2021 Tutor Circle 尋補. All rights reserved. 此文章未經許可,不得轉載。

地址:九龍大角咀博文街28-44號地下6號鋪 油尖旺區

[延伸閱讀]【OpenRice】「外賣自取」可享低至半價優惠?
「延伸閱讀]【外賣平台】嗌外賣……究竟點嗌好呢?

2. MUM 日常野菜料理

圖片來源 

MUM 日常野菜料理
MUM 日常野菜料理

第二間要推薦既係日式素食餐廳,大家會唔會想試吓日式素食呢?如果想試嘅話,可以買呢間餐廳嘅套餐,佢有提供三餸飯(大約$100) 同埋四餸飯(大約$125)。每一個素食套餐,都會提供湯同埋麥茶,小編覺得呢個套餐都幾抵,因為有顧客話個份量都幾大,一個女仔未必可以食得晒。另外,有顧客話紫薯紅菜頭青蘋果沙律口感細滑,青蘋果好爽口,令個口感好豐富。如果你哋本身自己唔係好大食,又係同朋友一齊嚟嘅話,小編建議你哋可以同朋友一齊分享一個套餐,咁就應該會啱啱好。

地址:佐敦彌敦道380號香港逸東酒店LG樓8號舖


3. 素年Years

圖片來源

素年Years
素年Years

第三間要推薦既係主打蛋奶素既素食餐廳,素年years適合食蛋奶素既素食者。佢既漢堡令我覺得好吸引,亦系餐廳既熱門,因為佢系用Impossible素肉製成,聽人講佢嘅口感係真係好似普通嘅漢堡包咁,仲要好多汁流出嚟,小編都好想去試吓。而家嘅素食真係越嚟越多元化,吸引顧客去嘗試。而且小店裝潢係以白色作為主調,比人一種好清新同舒服嘅感覺,除咗食野之外,鍾意文青風既大家亦都可以系度打卡,一次滿足囇你兩個願望,所以大家如果壓力好大,做嘢好辛苦嘅時候,不妨去呢間素食餐廳食嘢,體驗素食之餘放鬆吓自己嘅心情。

地址:深水埗福華街191-199號福隆大廈1號地舖

4. Green Common

圖片來源 

Green Common

大家有冇食過末來肉?小編第五間要推介既素食餐廳系主打食「植物肉」或者「未來肉」。小編覺得最特別既系未來漢堡,食落去幾乎同一般漢堡冇分別,個外型好相似之餘,麵包亦唔係好乾,亦會有麻油香味,但係大家都唔好要求佢會有好濃既肉汁。未來漢堡以架系全球好流行,囗感仲好有驚喜。另外,小編好推介你哋食餐廳既「樂樂雞」,其實佢既味道就好似某間快餐店既麥樂雞,只不過佢系用純素去整,大家可以沾純素燒烤醬或者純素蜜糖芥末醬,會比較好食。另外,佢哋仲有一個絲麥奶茶,你無睇錯,佢真系叫絲麥奶茶,而唔係叫絲襪奶茶,皆因佢系使用燕麥奶去沖果茶底,非常特別。如果大家約開朋友,不如同朋友快啲黎呢度試吓,親身經歷一餐「末來純素」。
地址:
旺角奶路臣街17號The Forest 1樓110號舖
灣仔皇后大道東202號QRE Plaza二樓 1-2號舖
尖沙咀廣東道17號海港城海運大廈地下OT G61號舖
中環遮打道16-20 置地歷山大廈地庫1樓B2 Landmark Alexandra

5. 雅 ‧悠蔬食

圖片來源 

雅 ‧悠蔬食
雅 ‧悠蔬食
第五間要推薦嘅係新派素食店,佢哋嘅菜餚都落足重料,小編知道佢哋嘅忌廉湯係有落桃膠,可以幫女士滋潤養顏,而且口感特別。然後,小編極度推介大家試吓香芒牛油果手卷,大家實以為手卷裏面一定夾咗米飯,但係餐廳以苜蓿芽代替米飯,相對我哋平時食到既手卷,呢個會較為清爽,冇咁滯,營養價值亦會較高,而小編想稱讚蜜桃火龍果蜜瓜沙律,啲水果比較甜,整體不錯,如果你哋系沙律愛好者,不妨試試呢個沙律。聽其他食客講返,因為之前疫情嚴重,餐廳會為客人提供免費糖水,以作支持,呢個服務實在無人抗拒。

雅 ‧悠蔬食既裝修同一般素食店好大分別,睇落去好似一間西餐廳,與一般傳統素食店截然不同,相信會改變大家以往對素食店的形象。

地址:尖沙咀金馬倫道48號中國保險大廈3樓

總結

綜擴而言,而家嘅素食餐廳多元化,且提供唔同種類既素食,一啲都唔單調。大家可以試吓喺繁忙鬧市中休息一下,搵一間素食餐廳食嘢,好好享受 !如果大家都想同埋朋友或者屋企人去素食餐廳食嘢,不妨可以參考吓小編介紹嘅餐廳,去享受生活既樂趣,亦都可以保護環境。

[延伸閱讀]【健康生活】吉時做個素食者
[延伸閱讀]【健身食品】點樣食得健康又開心?
[延伸閱讀]【健康生活】咖啡 = 慢性毒藥? 壞處 多 日日飲真係會死?

此文章純屬 Blogger 個人分享,並不代表本網誌立場。

*本文根據了greenpeaceOpenRiceulifestyle既網頁

想追返學校進度?Tutor Circle尋補有超過10000個三大導師,即日幫你搵一個適合既導師!

想搵 一個合適既私補老師

DSE 讀得咁辛苦,想活用知識黎賺下外快?

想搵 好多好多私補學生

Z世代 修辭手法 Ocamp
英文補習 上莊 中文補習 議論文
slp sample 補習網 數學補習
大學五件事 綜合格式

*此文章純屬 Blogger 個人分享,並不代表本網誌立場。

尋補?Tutor Circle!

其他人還看了……

中學排名  呈分試  升中面試  英文補習

大學收分  Jupas  副學士  DSE筆記

大學五件事  私補價錢  Ocamp  暑期工

生日好去處  IQ題  任坐Cafe

👇🏻 緊貼最新資訊!

Tutor Circle
Facebook15k
Instagram41k
LinkedIn
Youtube
Telegram

留言