唔知大家壓力大嘅時候,會唔會去甜品店食甜品呢?小編自己就好鐘意喺唔開心嘅時候食甜品,因為可以暫時忘記煩惱。但係大家知唔知道邊度嘅甜品店有好食甜品可以同朋友、家人一齊去試呢?今日Tutor Circle 尋補既小編會同大家搜羅咗五間受大家歡迎嘅甜品店,希望可以俾到啲頭緒大家,總有一間甜品店令你心動。

註冊私補導師,尊享Doughnut買滿HKD500即減HKD200優惠!

延伸閱讀﹕【2021必去Cafe】打卡推介!最新港九新界人氣Coffee Shop大全!

招募私補導師

1. FLIPPER’S

甜品店-FLIPPER’S
FLIPPER’S

第一間要介紹既甜品店係FIPPER’S,主要係賣鬆軟嘅疏乎厘班戟。有唔少人會稱佢地既疏乎厘班戟為奇蹟之班戟,大家可以想像下究竟佢有幾好食。小編都有去食過,個班戟真係好鬆軟,裏面好似有好多空氣咁,入口即化,但唔好睇佢咁有空氣感以為真系淨係食空氣,其實個班戟都幾飽肚下,叫一個同朋友一齊食,都已經好足夠。甜品店亦都會加入時令生果、糖霜、奶油同埋自家製嘅糖漿落個班戟度,咁就唔會太單調。小編覺得值得一讚系個雞蛋味好香濃,不過水果味道有啲酸。另外,佢哋都有售賣鹹味班戟,就算你唔鍾意食甜野,都可以去呢間甜品店試吓。

地址: 銅鑼灣軒尼斯道500號希慎廣場6樓i.t blue block


Copyright © 2021 Tutor Circle 尋補. All rights reserved. 此文章未經許可,不得轉載。
Copyright © 2021 Tutor Circle 尋補. All rights reserved. 此文章未經許可,不得轉載。
齊柏林港九新界都有分店,陪香港人經歷每個時刻。 溫書溫到攰,整番隻火炙芝士辣肉醬熱狗醒醒神。 齊柏林仲有提供到會服務,幫你上門打打氣 !

 

2. Ufufu

甜品店-Ufufu
Ufufu

第二間要為大家介紹既甜品店係Ufufu,佢哋主要售賣唔同款嘅士多啤梨甜品。根據Ulifestyle,佢哋稱讚士多啤梨芭菲好足料。個芭菲底層會有新鮮果肉,脆米同埋忌廉等。系芭菲既面頭都鋪咗好多鮮甜嘅士多啤梨,大概系$198 (特盛士多啤梨芭菲)同埋$128(精選士多啤梨芭菲)。小編覺得價錢略貴,但係如果佢系好食,又真係有咁多士多啤梨,小編覺得都可以黎依間甜品店試下。個芭菲打卡一流,因為佢嘅賣相好靚,好似不斷引誘你去影相。

另外,日本士多啤梨蛋糕($48),如果大家自己一個人,又食唔到太多甜品嘅話,小編建議大家可以試吓呢個蛋糕,分量應該會係啱啱好。如果大家係士多啤梨迷嘅話,就快啲過嚟Ufufu試吓啲甜品。

地址:銅鑼灣告士打道280號世貿中心3樓P303-303A號舖

 

3. 鮮芋仙

甜品店-鮮芋仙
鮮芋仙

 

第三間要介紹既甜品店係鮮芋仙,主打各式各款台式甜品,台式甜品黎講最出名當然係芋圓。小編都有系屯門試過,芋圓刨冰簡直系透心涼,同埋真係好足料。小編亦都系openrice見到有blogger話芋圓夠粉夠淋,小編個人十分同意呢位blogger既評論。另外,小編仲覺得果芋圓味道濃郁,口感彈牙。不過,小編強烈建議大家叫一個甜品同朋友一齊食就足夠,因為佢真係好大份,個價錢真係配得上佢既分量。小編上次同另外一位朋友都食唔囇一個甜品。同埋餐廳採用自助式,大家食完要記住自己擺返好個盤。如果大家鐘意食芋圓又掛住台灣美食既話,可以去試吓呢間甜品店。

分店地址:

銅鑼灣店:銅鑼灣登龍街18號V-point地下一號舖

尖沙咀店:尖沙咀厚福街3號華博商業大廈地下2-3號舖 (即將開幕)

荃灣店:新界荃灣楊屋道1號荃新天地1期地下G46號舖

屯門店:新界屯門屯順街1號屯門市廣場1期1樓Kiosk C

 

4. 一糖(屏山)

甜品店- 一糖(屏山)
一糖(屏山)

第四間要介紹既甜品店係一糖,佢哋既窩夫系既叫既做,因此個窩夫系熱乎乎,一定唔會系凍冰冰。而且仲有雪糕,冰火交融,食呢個都真係幾爽,仲有唔同既窩夫款式比顧客選擇,例如有蘋果肉桂窩夫。除咗窩夫,小編都好推介大家去試吓佢哋既心太軟,當切落去既時候,朱古力從中間一溢而出,表面酥脆,裏面柔軟,無論系小朋友定系大人,相信都會覺得好心動。而且依間甜品店有熟食賣,好似雞翼尖同埋魚肉燒賣,大家食甜品之前,可以食熱食打定個底先,如果大家空肚就食甜品,好容易就胃痛。

小編系openrice見到有好多顧客稱讚呢間甜品店既甜品夠水準,大家如果鐘意食窩夫,可以去呢度朝聖一下,但系佢既位置比較偏僻,大家不妨開車或者早少少去到,揾一揾間店舖。

地址:天水圍屏山上璋圍249號地下1號舖

延伸閱讀﹕【山景街市美食】翻新復古小食街 凌晨掃食推介串燒、漢堡、丼飯…

 

5. 呦呦鹿鳴布丁燒

甜品店-呦呦鹿鳴布丁燒
呦呦鹿鳴布丁燒

第五間要介紹既甜品店係呦呦鹿鳴布丁燒,每一個布丁燒既第一層都系焦糖,第二層系布丁,而最後一層系輕芝士蛋糕。而餐廳既餐牌都明顯地表示布丁燒系用100%北海道奶油起司,真材實料𣕧!看到個布丁燒好似蛋黃哥咁震騰騰,真係會有治癒心靈既感覺。布丁口感滑嘟嘟,可能你哋會驚芝士搶咗個味,但係其實芝士味唔會過重,所以大家可以放心!如果大家想食得冇咁膩,小編推介大家食伯爵茶味,滲透清香既茶味,降低布丁燒既甜度。另外,小編亦都想推介咖啡味,好多人可能都會驚咗咖啡味既苦澀,而避免叫呢個口味既布丁燒,雖然佢咖啡味比較濃郁,但係個咖啡味唔系好苦,唔會好難入囗,反而幾好味,如果大家去開葵涌廣場,不妨試試呢間高質嘅甜品店。

地址:葵芳葵富路7號葵涌廣場3樓TOP世界3069-T5-T6號舖

延伸閱讀﹕【氣炸鍋蛋撻】5款簡易自製蛋撻食譜:葡式酥皮/港式曲奇皮/日式流心紫薯/法式布丁/黑糖珍珠奶茶撻

總結

總括而言,趁依家天氣仲咁熱,不如捉住夏天既尾巴,約一兩個朋友出街食甜品、減吓壓。不過,小編要提醒大家最好都係不繁忙時段去甜品店,一來可以唔使等位,二來可以減少感染嘅機會。如果大家想去甜品店,不妨可以去小編介紹呢五間嘅甜品店,佢哋都好高質素㗎!

 

延伸閱讀﹕【甜品食譜】得閒冇嘢做想挑戰甜品食譜?甜品製作大秘訣

延伸閱讀﹕【氣炸鍋薯條】炸薯條4大秘訣 簡易食譜、氣炸鍋急凍產品推薦

延伸閱讀﹕【氣炸鍋蛋糕】5大蛋糕食譜:紙包/古早味/巴斯克芝士/杯子蛋糕

*此文章純屬 Blogger 個人分享,並不代表本網誌立場。

尋補?Tutor Circle!

其他人還看了……

中學排名  呈分試  升中面試  英文補習

大學收分  Jupas  副學士  DSE筆記

大學五件事  私補價錢  Ocamp  暑期工

生日好去處  IQ題  任坐Cafe

👇🏻 緊貼最新資訊!

Tutor Circle
Facebook15k
Instagram41k
LinkedIn
Youtube
Telegram

留言