每年大概有超過二千個BBA嘅大學生畢業,工商管理收生多,而且差唔多間間大學都有開,係求職上競爭自然激烈。好多商科人都要係四年入面忙住砌靚份CV、番無數份intern、參加唔同嘅case competition,咁工商管理學生嘅理想出路係咩呢?ibank?金融才俊?自己做老細自己話事?而家就等Tutor Circle 尋補同你一齊睇下BBA有咩出路。

1. Ibank

我諗好多BBA學生最理想嘅職業就係做ibank,無他,FG已經人工高之餘,總可以擠身入「才俊」之列。相信做ibank呢個光環已經令到好多人好自豪。

bba 出路 - ibank
ibanker人工高,個名講出黎又夠威,唔少BBA學生都想投身。

 

2. 大公司/銀行mt

入到大公司做mt,如果無犯咩大錯嘅話,做完mt之後就可以直升做manager。其次,入到呢兩個地方做。就算遲啲想辭職唔做,CV都會靚好多。缺點就係可能會成日被委派去唔同部門。

bba 出路 - mt
唔少大公司都有management trainee program比fresh grad。

 

3. 大公司/銀行非mt 職位

有得做當然就想做mt啦,但係其實FG入到大公司,對事業都會有好大幫助嘅。當然,亦都有人覺得係大公司係咁寫report係一件好悶嘅事黎。

bba出路 - big company
入大公司做就算學到嘅野唔多,但對轉下一份工都好有幫助。

 

4. Big 4

相信係好多acct人嘅求職目標。成日聽到acct人講:「入唔到big4就真係人生已完」,入左big 4之黎工時極長,但人工跳得好快。大多數人會做幾年之後就開始諗定轉行。因為出面公司知你Chur得又能力夠,所以人工都比高啲你。就算係喺Ibank,都會見到唔少以前係big4到做嘅人。缺點就係peak season工時長到可以番完屋企沖涼又要繼續番公司做野。

成為會計師條路一啲都唔易,出黎仲要邊做野邊準備考試。

bba出路 - big4
香港四大會計師樓係唔少讀acct嘅同學嘅夢想。

 

5. 跟番major搵食

無咩特別,Qfin做番Qfin;HRM做番HRM;MKT做番MKT咁解。自己major係乜就搵返同自己讀嘅科有關嘅工作。

bba出路 - major
同學畢業後都可以利用返自己所學,做返同major相關嘅工作。

 

6. 政府工/紀律部隊

FG黎講人工好高,人工穩定跳point升。但政府工已經無以前咁hea咁好做,新制福利少左;唔少位都要OT,同埋一入政府工就會比人覺得你hea,好難跳番出去私人市場。但只求安穩黎講都算係好選擇。

bba出路 - police
政府工穩定收入又唔會太辛苦,無意從商嘅同學可以去投考。

 

總結

讀完BBA出黎真係唔係個個都做到金融才俊架,除左考慮返自己嘅興趣同志向之餘,亦可以諗下自己想要嘅生活係點,如果因為想追求高薪厚職而捨棄左生活,咁就未必值得喇~

 

【延伸閱讀】商科 – 係咪真係咁好讀?

【延伸閱讀】fresh grad幾時搵工 ?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments