開學啦!唔知大家而家係唔係好緊張呢?或者會唔會因為唔適應學校既環境,所以好唔開心呢?F.5同F.6既同學仔又會唔會開始好緊張自己既成績,好有壓力,成日鬱住系個心度,覺得冇人明白自己。今天Tutor Circle小編同大家分享自己既經歷,同點樣解決,希望幫到大家啦。

 

1·搵人傾

圖片來源

其實無論揾朋友又好,屋企人又好,對住塊鏡又好,最緊要系肯講自己既諗法出黎,令其他人可以俾啲意見同埋鼓勵我哋,帶定個頭盔先,可能屋企人或者朋友未必可以俾到最有用嘅意見,或者可能你會覺得同佢哋分享好尷尬,小編建議如果你有好大壓力,搵社工都係一個唔錯嘅選擇,大部份嘅社工都會為被心情所煩擾既青少年提供個人或者小組輔導,好多有心既機構都唔會收費,同埋佢哋亦都會應承唔會透露服務對象嘅個人資料,所以大家可以放心去講,放心去傾。 (p.s其實都唔一定要搵社工既,如果你哋冇太大嘅壓力,又唔介意嘅話,同朋友傾都係一個好好嘅方法)

 

2.抽時間做自己鐘意既野 

圖片來源

知道大家讀書,work from home可能會好辛苦,但系我想講既系人ㄧ定要抽時間出黎做自己鐘意既野,我明白而家開學頭,大家應該都冇咩時間去玩,小編都系,但系大家有冇諗過人系需要休息呢?(雖然我知大家應該明白呢個道理)其實放學用半個鐘,做咩都好,俾自己休息吓,都唔係好過分啫,例如小編自己同朋友行街,放鬆吓,然後先返屋企做功課。正所謂休息可以令我哋行更長既路。如果唔叉足電,又點會有能量喎?所以有陣時休息吓系為咗將來,而唔係偷懶。不過,休息時間最好唔好過多,如果唔係,做唔晒啲嘢,自己又會好大壓力,就唔系咁好。

**現在從以下banner按鈕轉載到 Tutor Circle 尋補網站,並輸入優惠碼 TCBLOG2020即可享$20學費減免,事不宜遲,馬上去搜索適合導師上課吧**


3.識得去「忽略」 

圖片來源

知道大家可能新年嘅時候都會比一班姨媽姑姐去問自己「呢一排點樣?」或者系「考成點?」小編都有呢啲煩惱(p.s可能大家嘅親戚好好,得小編有呢啲煩惱),如果你都有呢啲煩惱,就證明咗我哋要學識「忽略」人哋啲冇建設性嘅意見。雖然可能有時我哋會為負面意見而唔開心,但係人生唔係建基於評論上面,要識得過濾人哋嘅說話,去分辨應該邊啲要聽,邊啲唔使聽,咁情緒就唔會咁容易因為其他人而受到波動。


總結 

我知道可能有好多人都因為呢一排社會而影響到自己嘅心情,亦都可能因為DSE就到,所以就會好有壓力,好唔開心,但係小編想講既系你唔係自己一個人,其實可能每一個人背後都會承受一啲好唔開心嘅嘢,所以希望大家可以同其他人傾下計,放鬆吓,搵一個最適合自己嘅方法去生活,當然冇人想有壓力啦,但係始終有陣時好難去控制得到。所以如果你有壓力,就試吓用上面我講嘅方法,減吓壓,希望我可以幫到你啦。

 

延伸閱讀:【香港臨床心理學家揭秘】關於臨床心理學家的4個問題

延伸閱讀:【應用心理】應用心理讀咩?學科讀乜做乜睇真啲!

延伸閱讀:【心理學出路】讀心理學就一定識讀心?唔通要做讀心神探?

 

【此文章純屬 Blogger 個人分享,並不代表本網誌立場。】

想追返學校進度?Tutor Circle尋補有超過10,000個三大導師,即

日幫你搵一個合適既導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram WeChat,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp sample 補習網 數學補習
大學五件事 綜合格式