圖片來源

相信有唔少香港學生都覺得英文,尤其grammar好難進步,唔少人即使讀到大學,都覺得力不從心。淨係識I’m good thank you and you? 每次入到subway都淨係識this this this and this。其實始終日常生活中,香港人接觸到英文嘅機會率比較細,所以對於英文嘅運用都比較陌生,對於Grammar嘅了解亦僅限於個本從來冇揭開過嘅grammar書。今日Tutor Circle尋補 就準備左改善grammar嘅三個小tips!

 

下苦功睇Grammar書

 

圖片來源

好多香港學生都會有一個誤區,就係以為英文「冇得溫」。的而且確,英文係一門語言,唔可以好似數學、物理等等嘅理科科目不停操練,但係唔代表英文冇得溫。

 

英文語法有一定嘅規則,當然唔可以好死板咁樣運用,要有一定彈性,但係明白左呢啲基本嘅規矩有助學生避免一啲常犯嘅小錯誤。舉個好簡單嘅例子,excited同exciting嘅分別在於你係形容緊一件事情/人物,定呢一件事情/人物帶俾你嘅感受。但係大部份香港學生都唔知佢哋有啲咩分別,其實呢啲係普遍市面上嘅grammar書都會有提及。

 

小編並唔係想表達睇多啲grammar書英文就會突飛猛進,但係鑽研grammar書嘅呢一個過程係必經之路,你一定要必須了解英文一啲基本嘅語法規則,先至可以on top呢啲規則,靈活咁樣運用呢門語言。

 

**現在從以下banner按鈕轉載到 Tutor Circle 尋補網站,並輸入優惠碼 TCBLOG2020即可享$20學費減免,事不宜遲,馬上去搜索適合導師上課吧**

 

做proofreading練習

圖片來源

 

的而且確,英文冇得死操爛操,當數學卷咁重複做題目。但係咁唔代表英文冇練習嘅機會。唔少人覺得Grammar書入面嘅練習成日重複,做做下就好似罰抄咁樣,容易失去耐性,亦都會對於呢一個科目深深厭惡。

 

但係其實如果想英文有進步,其中一個複雜嘅方法就係做proofreading嘅練習。市面上甚至網上面都有大量proofreading嘅資源,輕鬆就可以搵到。一般來講,proofreading就係要你係一句句子入面搵錯處,可以係錯字或者漏字,唔少都係針對grammar。

 

一本好嘅練習甚至會話俾你知點解呢個位錯,有返詳盡嘅解釋。咁樣就可以解決好多人話自己唔識英文,但係唔知自己唔識啲咩嘅問題,睇完答案之後搵返相對應嘅topic,再睇返grammar書,其實就已經可以有一個好好嘅複習效果。

 

加上proofreading練習,題型比較多變化,互動性較強,冇咁容易做厭,可以長久咁樣建立溫書嘅習慣。

 

 

睇英文戲/劇

 

圖片來源

 

唔少人係英文嘅道路上遇到嘅一個大問題,就係教科書上面教嘅嘢,同外國人日常生活中會用到嘅grammar好似唔一樣。書教緊一樣嘢,但係係外國人嘅世界呢樣嘢可能永遠都唔會用到。

 

大家唔可以忽視英文係一門語言嘅事實,語言係會不斷進化,同埋隨着唔同人嘅生活習慣同埋歷史淵源會有所唔同,每年亦都會有好多新嘅字被創造出來,呢啲字嘅用法人人都唔同,唔可能睇完一本死板嘅教科書就可以學識。

 

想要與時並進, update自己嘅英文知識,睇英文為主要語言嘅電影或者劇係一個好大嘅幫助。唔需要一定要好有教育意味嘅影片,一啲普通消遣娛樂嘅劇集都可以,例如用少少錢join返個netflix,netflix有提供英文字幕,大家就可以了解時下嘅外國人到底係點樣運用某啲特定嘅字眼,亦都可以將係grammar書上面學到嘅知識學以致用。

 

呢度最重要嘅一點,就係將英文同自己嘅興趣融合,令到自己接觸到英文嘅機會率比較大,不停咁樣實戰,先至會見到成果。

 

總結

英文係唔少香港學生嘅死敵,始終要學習一門新嘅語言,要比多啲嘅時間同埋耐性落去,大家用返以上嘅三個小貼士,循序漸進,就可以比較有效率咁樣master英文grammar!

 

延伸閱讀:【小學面試】一文睇清小學面試注意事項:點樣準備先可以萬無一失?

 

【此文章純屬 Blogger 個人分享,並不代表本網誌立場。】

想追返學校進度?Tutor Circle尋補有超過10,000個三大導師,即日幫你搵一個合適嘅導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼 尋補 Blog、 Facebook  同 Instagram,尋補? Tutor Circle !

Z世代 修辭手法 Ocamp

英文補習 上莊 中文補習 議論文

slp smaple 補習網 數學補習 大學五件事 綜合格式