講啲傳統名校,大家會諗起啲咩呢?相信都係不外乎果幾個關鍵字詞:「有錢」、「貴族」、「知名校友」,亦有唔少人會將傳統名校同所謂嘅Blue Blood連接起來。咁名校所謂嘅Blue Blood到底係咩嚟,今日就等  Tutor Circle尋補 為大家揭秘!

 

傳統名校

聖保羅男女中學今年有三位DSE狀元

圖片來源

 

香港有好多學校都自稱名校,有啲叫自己做地區名校,又有啲叫自己做傳統英中,咁到底邊啲先至係所謂嘅傳統名校呢?

 

一般來講,被統稱為傳統名校嘅學校有幾個共通點,佢哋全部都有宗教背景,由基督教,或者天主教教會創立,歷史悠久,有唔少知名校友,每間學校有自己獨特嘅文化傳承,學術成就相當高,先會被稱為傳統名校。

 

大家印象深刻嘅傳統名校包括有拔萃女書院、拔萃男書院、聖保羅男女中學、喇沙書院等等,就算冇特別留意,喺報紙上亦都唔係見到佢哋嘅大名。有趣嘅係,大部份所謂嘅傳統名校都係男校或者女校,只有一兩間係男女校,所以傳統名校另外一個出名嘅傳統就係聯誼活動,例如joint school choir或者聖誕舞會等。

 

 

Blue blood?

圖片來源

 

Blue blood呢個字泛指擁有貴族血統或者出身嘅人,呢個食法嘅由來係因為古時候嘅人認為貴族嘅血係藍色嘅,當然啦,呢個講法並無實際嘅科學根據支持,但係今時今日,Blue blood嘅內在含意係貴族、名門出身嘅意思。

 

一般人睇傳統名校,都會將佢同blue blood相連起來,因為名校學生嘅家長大多數都有相當嘅背景,亦有相當嘅財力,名校嘅學生大多數細個嘅時候亦都已經因為父母嘅關係早已認識,形成咗一個所謂嘅小圈子。

 

另外,名校係學術成就上,有幾乎壓倒性嘅優勢,所以畢業生嘅發展一般來講亦都相當不錯,唔係專業人士就係自己開舖做老闆,傳統名校對於大公司來講亦有一定嘅吸引力,加上面試嘅上司會傾向挑選同自己同一間名校出身嘅見工者,變相名校就好似貴族豪門咁樣,形成左一道一般平民百姓無法跨越嘅鴻溝。

 

 

Blue blood真係贏在起跑線?

圖片來源

 

傳統名校嘅生態環境,無可否認係製造左一個blue blood嘅system,但唔係話有blue blood就贏在起跑線,成為人生贏家。

 

傳統名校呢個status,只可以被視為係一個助跑器,出到嚟社會做嘢,係際遇上多多少少會有所幫助,但係學生本人自己都要有返相應嘅實力,否則只會變成冇料扮四條,對唔上名校呢個稱號。

 

Blue blood呢個標誌亦係一道雙刃劍,傳統名校嘅畢業生擁有龐大嘅校友網絡,但同時亦都會比呢一個圈子所局限,好難沖出自己嘅舒適區。相反,一啲普通地區學校出嚟嘅學生,唔會比呢個形象所局限,交友際遇上都會有比較大嘅發展空間。

 

 

總結

無可否認,傳統名校的而且確會造成一個blue blood效應,但係呢一個貴族嘅印象唔會係一瞬間將你變成人生贏家。加上大部份所謂嘅傳統名校其實已經轉為政府資助學校,對於收生嘅控制大為減低,變相削弱所謂blue blood嘅效果。

 

【延伸閱讀】【各大院校收生要求2019】究竟入大學有咩要求?

【延伸閱讀】E-App點樣交錢?報完E-App仲洗唔洗報Jupas?

【延伸閱讀】dse計分 – 同分嘅情況下邊位考生會有優勢?

 

**現在從Blog 下方按鈕轉載到 Tutor Circle 尋補網站,並輸入優惠碼 ”TCBLOG2020“ 即可有$20學費減免,事不宜遲,馬上去搜索適合導師上課吧**

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

分享俾你嘅朋友喇!

Comments

comments