講起香港三大,相信大家都會不期然諗起香港大學(HKU),中文大學(CU)同埋科技大學(UST)。但係,又有幾多人知道呢三間最高學府到底有咩分別呢?今日Tutor Circle尋補 就會同大家介紹下香港科研既龍頭大學 – 科大啦!

 

 

科大背景

圖片來源

 

香港科技大學自1991年成立,定位為一所研究型大學,顧名思義,大學十分重視科學同埋工程技術,但隨着左科技發展之外,科大嘅商學、社會研究同埋人文等學科都非常著名。

 

科大積極創新,並透過教研不斷求進,以協助香港嘅經濟同埋社會發展,因而被列入香港三大之一。現時設有四所學術學院,分別為商學院、工學院、理學院同埋人文社會科學院。

 

 

研究成果

圖片來源

 

科技大學係一間研究型大學,因此比起其他嘅香港大學,喺學術上嘅成就會更加高。

科技大學設有本科生研究計劃,志在培養本科生對研究嘅興趣。呢個計劃獨特嘅地方係,喺其他大學中,通常要讀到postgrad先至會有機會接觸學術研究,但係科技大學就會為本科生同埋教授定立研究範疇,喺三至四個月內提交學術報告,造就左本科生同教授共同研究嘅機會。

 

科大嘅研究能力係亞洲區表現出眾,喺2018年嘅Q S亞洲大學排名名列第三位,更加係香港大學中排名最高嘅。

 

 

環境優美

圖片來源

 

喺香港眾多嘅大學入面,除咗喺馬料水嘅中文大學之外,大多都屈就喺鬧市之中,活動空間較細,環境亦都唔算開揚。

 

相反,科大位於清水灣半島,雖然好老實講,冇地鐵嘅加持,出入係有啲唔方便,但係環境十分優美,背山面海,教學大樓同埋宿舍都可以欣賞媲美豪宅嘅自然美景。

 

另外,科技大學佔地58公頃,僅次於中大,確實設施亦非常充足,除咗多個圖書館之外,之後原來亦設有游泳池同埋標準球場等等,令同學可以享受多姿多彩嘅校園生活。

 

 

少林寺?

圖片來源

等到科技大學,就不得不提到少林寺嘅傳聞。有指科技大學收生,男性比例大幅拋離女性比例,因而收穫少林寺嘅稱號。

 

其實,情況冇大家想像中咁惡劣。科大嘅收生比例都要睇返唔同嘅學院,以商學院為例,男女比例基本平均,只不過係科技大學重點發展理學院同工學院,呢啲學院本身就比較受男仔歡迎,先會造成收生比例不均,不過呢啲學系,放喺邊間大學都好,都會出現男多過女嘅情況,唔完全係科大嘅問題。

 

正正因為科技大學經常被開玩笑,宿生會,或者學系學會都會搞多啲聯校嘅聯誼活動,其實識到異性嘅機會率可能仲大添!

 

總結

科技大學依山傍水,環境優美,學術成就亦享譽國際,係一間相當唔錯嘅大學。對研究有興趣,或者想重點發展科學技術嘅都可以考慮下!

 

【延伸閱讀】【各大院校收生要求2019】究竟入大學有咩要求?

【延伸閱讀】E-App點樣交錢?報完E-App仲洗唔洗報Jupas?

【延伸閱讀】dse計分 – 同分嘅情況下邊位考生會有優勢?

**現在從Blog 下方按鈕轉載到 Tutor Circle 尋補網站,並輸入優惠碼 ”TCBLOG2020“ 即可有$20學費減免,事不宜遲,馬上去搜索適合導師上課吧**

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

分享俾你嘅朋友喇!

Comments

comments