生物醫學工程

【生物醫學工程】Biomedical Engineering新興科目?出路/學科簡介/收生要求

studentconversion
tutor registration

Engine真是「頹科」?中大Engine甚至被「譽為」五大頹科之一,是廣為人知的「水泡科」,根據2020年Jupas 聯招數據,最佳五科成績有20或以上就能入到中大工程。但你知不知道,原來中大也有不「頹」的Engine可讀?不但不頹,而且收分也不算低,如題所見就是生物醫學工程系!大家都是Engine,為何要分得那麼細?生物醫學工程有什麼「巴閉」?Tutor Circle尋補馬上帶你睇睇!


1. 生物醫學工程讀咩?

生物醫學工程系課程會同時涉獵醫學和工程學知識,主要出路包括醫院生物醫學工程師、科技器材銷售、研發人員等。有開此科的大學包括中大、港大、理大和城大,各位有興趣的同學請注意!

生物醫學工程

2. 大學課程

2.1 JS4460 中大生物醫學工程學BEng in Biomedical Engineering

2.1.1 課程簡介

CU生物醫學工程學課程年期為4年。生物醫學工程學的主要工作是開發醫療器材及醫療科技,以供醫學使用。其學科結合醫學及工程學,醫學方面會學習人體生物學、解剖學、生理學、細胞生物學及病理學等;工程學方面則包括電腦、機械工程及電子工程等實務技能及工程學專科知識



2.1.2 計分方法

計分原則:Best 5,M1 / M2也可以計為選修科目
分數加乘:數學(必修和M1、M2)、科學科目(組合科學、生物、化學、物理)和英文這些科目會有1.5倍加乘。


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

2.1.3 收分詳情

  • 學額:44
  • 面試:選擇性
  • 2022平均收生分數:26
  • 來源:中大網站

2.2 JS6925 港大工學學士(生物醫學工程) Bachelor of Engineering in Biomedical Engineering

2.2.1 課程簡介

HKU生物醫學工程課程年期為4年。港大這個課程的特別之處是學生在獲得工學學士(生物醫學工程)學位後,還可申請繼續修讀內外全科醫學士課程。課程會包括科學、數學、電子機械工程、生物化學、生物醫學科學和現代生物醫學工程

2.2.2 計分方法

計分原則:Best 5,M1 / M2也可以計為選修科目
必須計算:英文和數學(必修)

2.2.3 收生詳情

  • 學額:35
  • 面試:選擇性
  • 2022平均收生分數:36
  • 來源:港大網站

2.3 JS3150 理大生物醫學工程(榮譽)理學士 BSc (Hons) Scheme in Biomedical Engineering

2.3.1 課程簡介

PolyU生物醫學工程課程為期4年,課程融合工程學、生物學及醫學的知識,並針對醫療和健康問題研制醫療機械或制定診治方法,就讀理工大學的學生有機會可以到美國、瑞典、芬蘭或英國的學校進行交流,學習更深層的知識。

2.3.2 計分方法

計分原則:Best 5,M1 / M2也可以計為選修科目
分數加乘:數學(必修和M1、M2)、科學科目(組合科學、生物、化學、物理)和英文、中文及通識都能享有加乘。

2.3.3 收生詳情

  • 學額:25
  • 面試:不需要
  • 2021平均收生分數:23.7
  • 來源:理大網站

2.4 JS1211 城大工學士(生物醫學工程)BEng Biomedical Engineering

2.4.1 課程簡介

CityU生物醫學工程課程為期4年,主要着重生物醫學的基礎知識與研究技能和尖端技術的整合,讓學生瞭解人體功能失調和疾病的病因、診斷及治療。學生們還可以在課程期間透過在健康護理、醫學實驗室以及製藥和生物技術行業的製藥及生物技術研發和醫學實驗室的實習培訓來廣泛接觸和掌握醫學檢驗技術和現代生物技術。

生物醫學工程

2.4.2 計分方法

計分原則:4C + 2X,M1 / M2也可以計為選修科目
分數加乘:數學(必修和M1、M2)、科學科目(組合科學、生物、化學、物理)和英文會有2倍加乘。

2.4.3 收生詳情

  • 學額:43
  • 面試:不需要
  • 2021平均收生分數:38
  • 來源:城大網站

3. 生物醫學工程出路

3.1 醫院生物醫學工程師

可以係政府機電工程處輆下衛生工程部,去唔同公立醫院任職,或者去私人機構既私人醫院任職亦可。呢份工可以話最應用到BME grad既所有學到既野,日常既工作就係檢查同埋維修醫學儀器既功能,同醫生溝通,用優化儀器去幫助完善醫院既醫療系統,甚至協助規劃同制訂合適既方案,去買種儀器最有效改善醫院既質素等,呢份工絕對係好多BME學生理想既行業,但近年愈黎愈多院校開設相關課程,醫療系統未必吸納得到咁大量既人力,所以如果要成為Biomedical Engineer既話,可能會有大競爭,要有心理準備,好好準備自己。
 

3.2 科技器材銷售

生物 醫學 工程 出路
主角Will Smith藉著賣手中既儀器令到家人失去容身之所。

唔知大家有冇睇過”The Pursuit of Happyness”呢套戲(非常推薦!),主角Will Smith一開始就係靠同唔同醫院賣醫療儀器維生,科技器材銷售就係咁啦,要去sell唔同既機構同醫院買你既product,有啲人就會問,點解我唔一畢業就去sell野,要讀多4年先黎sell?

冇錯,冇讀過書既都可以sell,但係有相關專門知識既你,係一啲行業既晉升階梯一定要比其他非BME既科好,試諗下,一間靠BME起家既公司會唔會想多啲BME既人上位,當然想啦!因為你有呢方面既知識,有晒基礎,可以幫到公司好多technical上既問題呀嘛!
 

3.3 研發人員

呢一行係香港黎講聽落好離地,覺得係香港玩科研姐係乞食,香港既醫療水平又唔夠歐美高,雖然事實如此,但香港其實係呢一方面已經急起直追緊,唔少大學院校都有研發自家醫學儀品,並得到置外認證,例如「拓撲流體二極體」(Topological liquid diode),研究成果係科學界權威《科學》雜誌子刊《科學進展》中發表,香港生物醫學已經默默起步緊。
 

3.4 出國

生物 醫學 工程 出路
頭先雖然話BME係香港都可以投身研發行業,但機會實在唔多,但如果跳出香港,去到大陸、歐美等地,就會發現有好多關於BME新既機會,例如中國近年大力發展「大健康」,對於醫學上既投資絕對唔少,美國一直以黎都係醫學界既領頭,對呢方面既人力需求只會加唔會減,對於BME未來既出路,唔洗限死自己要係本地,去唔同既地方了解下同繼續進修,一定會見到更多BME既發展機會!
 

3.5 繼續進修

生物 醫學 工程 出路
CU Secret有一篇文章指出BME出身既人其實係各方面既能力都唔錯(詳見《好心D人咪係咁叫人讀BIOMEDICAL ENGINEERING推人入伏啦》),物理、生物、數學、Programming全部都有底,可能有人會話係周身刀冇把利,但你都可以解讀成為有更多既可能,當你係每方面都接觸過既時候,你可以了解更多自己想/擅長讀咩,開拓更多唔同能力,再揀其中一門進修上去,其實唔一定係一件你壞事,可能你起步比人遲,但你更清楚知道自己係追求緊啲咩。
 

3.6 其他

其實仲有好多熱門出路既,例如做lab、做老師、做政府工、IT等等,只要你有興趣其實做咩都可以,唔好比major限死晒。

總結

現時香港人口老化問題日漸嚴重,眾為周知,而除了香港之外,全國各地也有不同的醫療、醫學問題,除了要有醫學理論之外,也必須要輔以相應醫學器材和實際技術,才能有效回應這些醫學問題。可見,不論在本地或是全球,都對這一方面的人材有一定需求!

常見問題

生物醫學工程課程有什麼出路?

同學們可從事醫院生物醫學工程師、銷售科技產品…更多出路

香港有什麼生物醫學工程課程提供?

中大、港大、城大和理大都有開設相關課程。收生詳情

延伸閱讀:
【各大院校收生要求】 最新!一文睇哂10間大學Admission Score、收生分數
【E-App】點樣交錢?報完E-App仲洗唔洗報Jupas?
【大學水泡科】大學最低門檻:5大水泡科你識幾多?

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
生物醫學工程
生物醫學工程

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言