好多同學仔對於DSE英文卷十分恐懼,覺得自己唔識聽、唔識講、更加唔識寫,因而放棄。今日Tutor Circle尋補 要講嘅就係英文卷三。呢份聆聽綜合卷令到唔少同學聞風色變,覺得聽唔明就已經人生已完。但係其實呢份卷有唔少技巧可以幫到同學執分,即使英文能力差,仍然可以攞到好嘅成績!

 

 

英文卷三

圖片來源

 

英文卷三考兩個鐘頭,會同事考核學生嘅聆聽同埋寫作能力。

Part A係Listening,同學要聽完錄音材料之後作答,答題形式有 MC亦有長問答。

Part B係Integrated Skills,同學要聽完一段聆聽錄音之後,結合題目所比嘅閱讀資料,完成寫作任務。Part B設有B1同B2,考生可以自由選擇,B1比較簡單,Tasks較少,但final grade bar 左係 Level 4,B2比較難,Tasks較長,但冇cap level。

 

 

Part A: 聽唔明點算

圖片來源

 

好多人都覺得,只要聽唔明錄音內容,成份卷就凍過水。但係其實,即使錄音內容未能完全記低,Part A都有唔少位可以執分,例如matching,MC等等。

另外,即使聽得到錄音嘅內容,亦有好多位需要特別小心,以免詞不達意,聽到都攞唔到分。

 

Part A注意事項:

  • 一定要善用考試比你嘅閱讀時間:DSE嘅聆聽卷,問題多數會順着錄音材料鋪排,但係亦都有一類型嘅題目切喺題目嘅最後方,但係要求學生整合整段錄音材料嘅內容。

 

例如題目要求你訪問兩名學生,但最後一條要求你比較兩個學生嘅答題態度,如果是先冇留意首名學生嘅態度,答到最後一題嘅時候可能已經唔記得。

 

所以,閱讀時間除咗係俾你熟習題目之外,同學一定要提早Mark低唔跟時間順序出嘅題目,提醒自己要留意。

 

  • 其實聆聽卷都可以貼題:DSE嘅聆聽卷取材貼合日常生活,千變萬化,一般來講好難貼題。但係仍然有幾耐題目,每年都一定會出,例如香港地方名,日期等等。

 

有心溫書嘅同學,可以喺考試之前背一杯香港嘅地鐵站英文名,同埋12個月份嘅英文名。雖然花費嘅時間比較長,但至少唔會係呢啲送分題入面失分。

 

 

Part B: 完全做唔切?

圖片來源

 

相信好多同學喺Part B遇到嘅問題都係做唔切。的而且確Part B除咗要求同學係一開始嘅聆聽材料入面記得重點之外,亦要求同學係非常之短嘅時間入面睇晒data file,再完成幾個長嘅writing tasks,無返咁上下手速係做唔到嘅。

 

但係,其實Part B都有一啲小技巧:

 

  • 操卷做熟題型:Part B其實每年出嘅題型固定,通常都係report / email / letter / article等等,呢啲題型其實有固定結構,預先熟讀就可以加快寫作嘅速度。

 

  • 留心睇mission::Part B Data file一段資料通常會為學生出任務,會解釋任務嘅內容同埋要求,同學要細心閱讀呢一段資料,通常有幾個得分為已經可以喺呢一度見到。

 

例如如果寫投訴信,語氣要嚴厲,闡述事件時需要使用過去式;如果係寫Proposal,多數使用將來式,語氣要有禮貌等等。

 

  • 切忌搬字過紙:Part B雖然好考同學嘅寫作速度,但係同學要記住唔好一味靠抄,搬至過紙。同學一定要先消化Data File內容,再用自己嘅文字將重點寫入去任務入面,成段照抄只會過於累贅。

 

 

總結

英文卷三係英文卷入面其實算比較簡單一份,技術含量唔係十分之高,同學可以多加操練,訓練自己寫作嘅速度,加上一啲小技巧,即使英文能力本身唔係10分高,亦都可以執到唔少細分!

 

 

延伸閱讀 :【高中新選修科】旅遊與款待 讀完入U就可以讀Hotel Man?

延伸閱讀 :【自修生】獨自奮斗DSE – 2021年自修生策略懶人包!

 

**現在從Blog 下方按鈕轉載到 Tutor Circle 尋補網站,並輸入優惠碼 ”TCBLOG2020“ 即可有$20學費減免,事不宜遲,馬上去搜索適合導師上課吧**

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

Comments