自從新高中制度係2012年實施以來,香港考大學變成「一試定生死」,考生都面對好大嘅壓力,唔少考生因為種種原因,未能發揮最佳表現,因而要重考,成為retaker。其實考慮緊或者決定retake嘅同學毋需過份擔心,而家就睇下Tutor Circle尋補 準備嘅懶人包,介紹一下retake嘅細節同注意事項啦!

 

 

 

一定要考過晒咁多科?

圖片來源

Retake其實唔一定要考返晒咁多科,同學可以考慮只考幾科前一年失左手、有自信可以做得更好嘅科目,再報考JUPAS時,以combined cert嘅方式,合併前一年嘅成績,報考心儀大學。

但同學要留意,大學方面係會睇到學生是否以combined cert形式報讀嘅,部份收生嚴謹嘅學系可能未必考慮retake嘅學生,或者會扣分,同學記住趁大學info day,或者事前上大學網站查詢,以combine cert形式報考會唔會有影響啦!

 

 

Retake升grade到底難唔難

圖片來源

 

相信好多同學都會懷疑過,如果有3年時間去準備考試都失手,用一年時間retake到底有冇用?

呢個問題其實牽涉左兩個重大嘅問題:1) 當初點解失手 2) 想retake嘅科目係咩

 

當初點解失手:考得唔好固然令人失望,但同學都要先搵出當初失手嘅原因,如果係因為不幸患病,或者屋企有事等等嘅外來因素,經過一年沈澱,調整好心態,retake要發揮正常水準應該唔難。

 

但如果當初失手嘅原因,歸根究底係因為自己懶,咁同學就要考慮retake嘅成效了。畢竟retake只得一年時間,同學到底有冇咁嘅覺悟去改善自己、認真溫書呢?呢個就取決於同學本身嘅決心了!

 

Retake咩科目:唔係每一科都可以係短時間內升幾個grade,以小編嘅意見,文科科目例如中文同英文其實好講求同學長時間以黎對語言嘅認識,唔係一時三刻就可以見到好大進步。

 

相反理科同商科,例如數學同經濟,主要著重同學對題型嘅熟悉程度,只要認真操past paper,加上一啲小撇步,唔需要背誦大量書本都可以短時間內對課程有較好嘅掌握。

 

所以同學係決定retake之前都要留意自己想retake嘅科目會否短時間內有做到大嘅進步啦。

 

2021暑期荀工
按圖了解更多

 

Retake有咩要注意

圖片來源

由放榜當日起計,到再戰文憑試之間,話就話一年,但其實實際上只有半年時間準備,要回復中六嘅狀態絕非易事,同學一定要留意自己嘅心態調節。

如果自問本身係懶散嘅人,不妨叫身邊嘅朋友或者老師鞭策自己,時刻提醒自己。

同學都要留意,即使retake出盡全力,亦唔好預期某啲科目成績會突飛猛進,再次報讀大學時亦宜認清自己能力性格,以較現實嘅心態選科,以免過份失望。

 

2021全新導師推薦計劃
按圖了解更多

總結

若同學首戰DSE失手,千祈唔好氣餒,想要重整旗鼓,收復失地,retake未嘗唔係一條出路,但做出決定之前一定要小心考慮,仔細檢視自己能力,揀最岩自己嘅路!

 

【延伸閱讀】【各大院校收生要求2019】究竟入大學有咩要求?

【延伸閱讀】E-App點樣交錢?報完E-App仲洗唔洗報Jupas?

【延伸閱讀】dse計分 – 同分嘅情況下邊位考生會有優勢?

 

**現在從Blog 下方按鈕轉載到 Tutor Circle 尋補網站,並輸入優惠碼 ”TCBLOG2020“ 即可有$20學費減免,事不宜遲,馬上去搜索適合導師上課吧**

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

 

 

Comments