相信大部分學過同埋考過樂器考試嘅大家都會知道,五級樂理係考六級或以上樂器考試嘅基本門檻,各人對呢個五級樂理考試嘅難度都唔同,有部分人覺得容易,亦有人覺得難,但程度嘅難易都係取決於你學習樂理嘅態度。Tutor Circle尋補今日就為各位提供考五級樂理嘅貼士。

 

考生要留意嘅係,2018年起五級樂理試題已經作出左更改:

 

  1. 音樂詞彙及記號引入選擇題
  2. 簡化「音程」及「和弦終結式」(題目七)的問法
  3. 取消SATB題
  4. 取消作曲題(包括rhythm-writing, melody-writing及word setting)
  5. 引入少量題目取代作曲題

 

資料來源:https://www.facebook.com/hkcstrings/posts/1927644434185680/

圖片來源

 

想五級樂理考試順利? 記住以下貼士啦!

 

貼士1:記住帶准考證,身分證明文件和足夠文具

 

無論考咩試都好,請各位考生記住一定一定要帶齊准考證,身分證明文件同足夠文具,但係每次五級樂理考試都總會有考生大頭蝦唔記得帶准考證同身份證,如果唔記得帶嘅話可能就會不獲進入試場,無得考試架啦! 另外,無帶筆又點考呢? 就係要記得帶好重要嘅文具,雖然五級樂理考試係可以用原子筆,但係方便更改答案最好就帶鉛筆啦! 要緊記,切勿使用含琴鍵圖案的文具。

 

 

貼士2:考試時間唔好哂,要用盡

 

 

考生考五級樂理嘅時候,要記得唔好浪費每分每秒,要用盡考試時間。五級樂理嘅考試時間係兩個鐘,一般嘅考生都會慢慢做份卷,而且更可能係一個鐘內可以做完份卷,考生要緊記做完之後唔好淨係坐係到等收卷或者早走,做完必須要Check卷,

check到考試停筆為止,可能會係呢段時間到搵到錯處架,避免失好多分數嘅話就記住一定要仔細Check卷。

 

 

貼士3 : 留意Transposition課題

 

 

圖片來源

 

 

Transposition呢個課題係好重要,因為成份卷最易容錯嘅題目就係Transposition,一題佔10分,唔好以為呢到少少分數唔重要,因為開頭一做錯左少少,跟住落黎嘅題目就會跟住錯,咁就等於白做架啦。為大家提供少少Tips,記住要圈定keyword升降幾多度,Check 音高等等。

 

 

貼士4 : 提早到達試場

 

唔想去到慌慌,考生最好係收到準考證之後,探一探路,去望下個考試場地,或者當日提早到達試場,咁樣就可以俾自己早啲熟悉下個場面,因為可能有部分考生未熟習同咁多人一齊考試,到時就會緊張同驚,到時緊張到唔記得左啲野就唔好啦! 所以考生最好提早去到試場熟習下環境,或者家長陪同去,等自己無咁緊張。另外,如果遇上天氣惡劣,例如黑雨或八號波,就要請留意新聞同考評局宣佈,考試就可能會改期。

圖片來源

 

總結

希望Tutor Circle尋補為各位考生提供嘅五級樂理貼士會對大家有幫助,再提多次大家,去考試之前記得記得要帶齊身份證明文件,準考證同文具,有時間嘅話最好去一次試場探路,如果唔係你溫到幾熟都無用,最後希望咁多位考生都考試成功啦!

 

 

【延伸閱讀】中六畢業出路 指南針

【延伸閱讀】剩係成績好都入唔到大學!JUPAS揀科策略你要知

【延伸閱讀】【中文補習】補習社定私補好?中學小學搵補習攻略

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式