一年容易又派位!話咁快又到左升中派位嘅時候,今年中學派位受疫情影響,一波三折,小六呈分試被取消,排位日期亦一改再改,相信唔少家長都十分擔心,想為子女覓得心儀學校,而家就同Tutor Circle尋補一齊睇下2020升中派位有咩要留意啦!

 

自行分配學位v.s.統一派位

自行收生結果已於年初公佈

圖片來源

 

可能有啲家長仲未分得清楚自行分配學位同埋統一。參與自行分配學位嘅中學會將留起大約三成嘅學位,自行決定收生準則同埋錄取學生,一般來講只會考慮學生嘅兩個條件,一係成績,二係特質。成功申請自行分配學位嘅學生,唔會經統一派位獲得學位,而自行分配學位嘅結果早於今年嘅4月7號公布。

未獲取自行分配學位嘅學生就必須參與統一派位每年五月初由學生填選志願表,申請表分為甲部同埋乙部,甲部可以填全香港任何地方嘅三間中學,乙部

就可以填寫30間位於校網內嘅中學,教育局會根據學生嘅選校志願、排位組別同埋隨機編號,從而編配學生,因此,統一排位亦都被稱為「大抽獎」,統一排位嘅結果就會喺嚟緊嘅77公布。

 

 

放咗榜之後要做啲咩

放榜結果有喜有悲

圖片來源

 

放榜後,如果有幸獲派心儀嘅學校,固然開心啦,到時家長都可以放下心頭大石。到時,學生就要喺7月8號至7月9號期間辦理中一註冊。

如果不幸地對排位結果唔係太滿意,同學同埋家長都唔使灰心住,仲有最後一次機會,就係大家所認知嘅叩門嘅程序啦。有部份嘅學校會預留一小部份嘅學位比學生叩門,同學可以放手一搏,向心儀嘅學校叩門。

 

叩門要準備啲咩?

叩門

圖片來源

 

大部份嘅學校叩門程序都包括一個短嘅面試,所以穩陣起見,家長同同學最好喺放榜當日帶齊學生嘅學歷證明、獎狀等等,一封短嘅信講述點解想要入讀呢一間學校,並預先準備一啲面試嘅題目。

不過今年疫情關係,學校面試嘅模式都可能有所改變,為咗萬全嘅準備,家長可以喺放榜當日之前,先上網睇吓心水嘅學校嘅網頁,睇吓學校有冇預留叩門學位,同埋相關嘅面試程序將會點樣進行。

特別一提嘅係,家長同同學可以向多個一間學校叩門,所以當日出門口之前記住帶多少少現金,咁到時飛的士都唔怕!

 

編班試

編班試

圖片來源

 

每年排位之後,相信唔少家長都會鬆一口氣,但係其實排位之後冇幾耐,中一嘅新生就要接受中一入學前香港學科測試,即係所謂嘅編班試。

今年嘅學科測驗將會喺7月14日朝頭早舉行,測驗成績將會有助中學了解學生嘅學習成效,以制定教學指標同埋設計教學計劃,而且通常會同時進行編班。

不過小編喺呢度建議,家長其實唔需要有太大壓力,大部份嘅中學其實已經唔設立所謂嘅精英班,初中時候嘅編班其實都唔會對於學生嘅成績有太大影響,可以以平常心看待。

 

總結

升中排位會影響學生嚟緊呢六年嘅時光會喺邊度渡過,家長緊張係無可厚非,但同時都要記住唔好強加太大嘅壓力係學生身上,要時刻注意小朋友嘅情緒,只要小朋友盡咗力就夠㗎啦!

 

 

此文章純屬 Blogger 個人分享,並不代表本網誌立場。

 

【延伸閱讀】課外活動要點揀?報興趣班前你要考慮嘅三件事

【延伸閱讀】孩子參與興趣班的好處,百足咁多爪,還是周身刀無張利?

【延伸閱讀】補習當兼職,搵唔搵到食?3個補習兼職的原因

 

 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

分享俾你嘅朋友喇!

Comments

comments