一年容易又派位!好快又到升中派位嘅時候,2020年升中派位受疫情影響,一波三折,小六呈分試被取消,派位日期亦一改再改。相信唔少家長都十分緊張!唔洗擔心,只要清楚知道2021年7月升中派位的程序,相信一切都可以順利!今日Tutor Circle 尋補一齊睇下2020/2021升中派位有咩要留意啦!

延伸閱讀:【升中面試】中學面試自我介紹6大技巧(附英文範本)

 

升中派位攻略1:自行分配學位

首先,大家會參加「自行分配學位」。參與自行分配學位嘅中學會將留起大約三成嘅學位,自行決定收生準則同埋錄取學生,一般來講只會考慮學生嘅兩個條件:一係成績,二係特質。成功申請自行分配學位嘅學生,唔會經統一派位獲得學位,而自行分配學位嘅結果將於2021年7月6號公布。

歡迎透過GRWTH Pay使用消費券繳付學費
升中派位2021-自行分配學位中學會將留起大約三成嘅學位
自行分配學位中學會將留起大約三成嘅學位,自行決定收生準則同埋錄取學生(圖片來源

延伸閱讀:【全港中學排名】2020最新 TOP100 內附名校詳細分析

 

升中派位攻略2:統一派位

然後,未獲取自行分配學位嘅學生就必須參與統一派位,統一派位每年五月初由學生填選志願表,申請表分為甲部同埋乙部,甲部可以填全香港任何地方嘅三間中學,乙部就可以填寫30間位於校網內嘅中學,教育局會根據學生嘅選校志願、排位組別同埋隨機編號,從而編配學生,因此,統一排位亦都被稱為「大抽獎」,統一排位嘅結果就會喺7月6號公布。

升中派位2021-統一排位亦都被稱為「大抽獎」。
統一排位亦都被稱為「大抽獎」。(圖片來源

升中派位攻略3:註冊

放榜後,如果有幸獲派心儀嘅學校,固然開心啦,到時家長都可以放下心頭大石。到時,學生就要喺7月8號至7月9號期間辦理中一註冊。

升中派位2021-學生就要喺7月8號至7月9號期間辦理中一註冊。
學生就要喺7月8號至7月9號期間辦理中一註冊。(圖片來源

延伸閱讀:【呈分試比重】2021呈分試攻略 助子女入讀心儀學校!

 

升中派位攻略4:叩門

但係,如果唔好彩地對排位結果唔係太滿意,同學同埋家長都唔使灰心住,仲有最後一次機會,就係大家所認知嘅叩門嘅程序啦。有部份嘅學校會預留一小部份嘅學位比學生叩門,同學可以放手一搏,向心儀嘅學校叩門。

大部份嘅學校叩門程序都包括一個短嘅面試,所以穩陣起見,家長同同學最好喺放榜當日帶齊學生嘅學歷證明、獎狀等,一封短嘅信講述點解想要入讀呢一間學校,並預先準備一啲面試嘅題目。

不過今年疫情關係,學校面試嘅模式都可能有所改變,為咗萬全嘅準備,家長可以喺放榜當日之前,先上網睇吓心水嘅學校嘅網頁,睇吓學校有冇預留叩門學位,同埋相關嘅面試程序將會點樣進行。

特別一提嘅係,家長同同學可以向多個一間學校叩門,所以當日出門口之前記住帶多少少現金,咁到時飛的士都唔怕!

升中派位2021-有部份嘅學校會預留一小部份嘅學位比學生叩門
有部份嘅學校會預留一小部份嘅學位比學生叩門(圖片來源

延伸閱讀:【生涯規劃】5款體驗遊戲 助你做好生涯規劃!

 

升中派位攻略5:中一分班試

每年排位之後,相信唔少家長都會鬆一口氣,但係其實排位之後冇幾耐,中一嘅新生就要接受中一入學前香港學科測試,即係所謂嘅編班試。

今年嘅學科測驗暫定喺出年7月13日朝頭早舉行,測驗成績將會有助中學了解學生嘅學習成效,以制定教學指標同埋設計教學計劃,而且通常會同時進行編班。

不過小編喺呢度建議,家長其實唔需要有太大壓力,大部份嘅中學其實已經唔設立所謂嘅精英班,初中時候嘅編班其實都唔會對於學生嘅成績有太大影響,可以以平常心看待。

升中派位2021-今年嘅學科測驗暫定喺出年7月13日朝頭早舉行
今年嘅學科測驗暫定喺出年7月13日朝頭早舉行(圖片來源

升中派位攻略6:重要日期 (家長務必留意!)

  1. 自行分配學位申請日期:2021年1月4日至1月18日
  2. 學校通知正取學生獲學校納入其自行分配學位正取學生名單:2021年3月31日
  3. 統一派位選校日期:2021年4月中旬至5月初
  4. 公布派位結果(自行分配學位及統一派位結果):2021年7月6日
  5. 辦理中一註冊:2021年7月8日及9日
  6. 中一入學前香港學科測驗:暫定2021年7月13日

立即取得升中派位指南

 

總結

升中排位會影響學生嚟緊呢六年嘅時光會喺邊度過,家長緊張係無可厚非,但同時都要記住唔好強加太大嘅壓力係學生身上,要時刻注意小朋友嘅情緒,只要小朋友盡咗力就夠㗎啦!

延伸閱讀:

【升中面試】中學面試題目一覽 200+名校問答題及應對技巧

【升中試】2020 升中呈分試 升中試歷史

【學校概覽】香港熱門幼稚園、小學、中學一覽|學校簡介|升學攻略

*此文章純屬 Blogger 個人分享,並不代表本網誌立場。

尋補?Tutor Circle!

其他人還看了……

中學排名  呈分試  升中面試  英文補習

大學收分  Jupas  副學士  DSE筆記

大學五件事  私補價錢  Ocamp  暑期工

生日好去處  IQ題  任坐Cafe

👇🏻 緊貼最新資訊!

Tutor Circle
Facebook15k
Instagram41k
LinkedIn
Youtube
Telegram

留言