「瓦努阿圖,係我想住嘅地方啊」呢佢經典嘅口號,唔知大家有冇聽過呢,其實佢係來自一間移民公司嘅廣告。市面上有好多嘅移民中介,號稱「不成功、不收費」,大肆宣傳可以提供一站式嘅移民服務,聽落就勁了,實際上有應該點樣選擇適合自己嘅移民公司呢?而移民中介其實又係咪一定要呢?等Tutor Circle尋補馬上為大家介紹一下啦!

 

唔搵中介得唔得?

移民手續繁複

圖片來源

 

移民本身就所費不菲,大大小小嘅手續費,甚至機票錢,都唔係一筆細嘅支出。想慳返啲錢,唔搵中介,自己一手一腳搞移民到底可唔可以行呢?

 

的而且確,唔少移民資料都可以喺網上搵到,好多人都會想自己處理移民是刻意唔去搵移民公司,但其實移民需要呈交好多重要嘅文件,漏交或者遲交都會有好嚴重嘅影響,搵間專業嘅移民公司其實可以令到你放下重擔,確保你冇填錯資料,幫你反覆檢查,可以買多一份安心。

 

有經驗嘅移民公司亦都可以為你提供比較內行嘅資訊,例如唔少國家都設有技術移民,但成功申請嘅機會其實取決於當地本身欠缺乜嘢類型嘅人才,而你又係咪咁啱可以提供呢方面嘅技術,呢啲資訊其實一般睇網上比較難搵到,需要透過有經驗嘅移民公司為你度身分析,所以搵一間信譽良好嘅移民公司,其實會大大增加你成功移民嘅機會。

 

 

 

移民公司可以提供咩服務?

移民公司可以提供嘅服務非常之廣泛

圖片來源

 

 

移民公司可以提供嘅服務非常之廣泛,基本會代辦一般嘅申請手續,例如撰寫投資移民必須嘅商業計劃書,除此以外,亦會提供海外升學、海外就業同埋職前輔導,甚至有文件翻譯同埋安家服務等等。

 

唔少嘅移民中介都會有自己嘅專業網絡,同唔同國家嘅律師、會計師、稅務專家同埋商業顧問等緊密合作,獲取最新關於各個國家移民程序嘅要求同埋最詳細嘅訊息,等你唔使周圍搵人幫手,一站式咁樣處理好成個移民手續。

 

 

「不成功,不收費」?

小心中伏!

圖片來源

 

大部份嘅移民中介都會聲稱不成功、不收費,但其實曾經出現過唔少申請失敗後移民中介拒絕退款嘅個案。

 

係2020年,消委會曾經處理一單咁樣嘅個案。個案中嘅移民公司曾經提醒申請人部份人的資料還有不足,但係申請人並冇補充,結果當申請人獲安排會見移民官嘅時候,被抽查資料,未能提供部份嘅收入記錄導致申請被拒。雖然簽約嘅時候中介公司曾經承諾不成功、不收費,根據合約條款,退款範圍並唔包括因為申請人未能按照要求提供所需文件,或申請人被質疑實際情況不符申報資料等。

 

所以即使搵咗移民公司,申請人都有責任採納中介嘅建議,唔係將所有責任推晒落中介度就可以架!

 

 

總結

睇完以上嘅簡介,相信同學都對移民公司呢一個行業有咗一定嘅基本知識,喺選擇中介之前,一定要仔細閱讀合約嘅條款,明白雙方嘅責任同埋權益,咁先至可以保障雙方,令到移民程序更加順暢!

延伸閱讀:【移民監】移民須知!唔同國家要坐幾耐移民監?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

分享俾你嘅朋友喇!

Comments

comments