隨着香港嘅社會動盪,唔少人都萌生想要移民嘅念頭,但係要取得其他國家嘅公民資格並唔係咁簡單,大部份都牽涉申請者坐一定年期嘅移民監。移民監到底係啲乜嘢,咩國家嘅移民監最短呢?等Tutor Circle尋補一齊睇吓一啲熱門嘅國家嘅移民監年數啦!

到底咩係移民監

移民監一般而言係指申請人移民去到另外一個國家嘅時候,該國家會要求申請人係國家入面居住一定嘅時間,先至可以成為永久居民或者入藉。如果申請人冇辦法滿足呢個居住義務嘅最低要求,就會冇辦法攞到或者喪失已經擁有嘅永久性居民身份,所以為咗保留公民身份,申請人必須喺移民國家居住一定嘅時間,就好似坐監咁,所以先被戲稱為「移民監」。

 

台灣

台灣

圖片來源

 

按照台灣而家嘅移民法例,港澳人士喺獲得外僑居留身份之後,一年內不得離開台灣多於30日,或者連續居留滿兩年並每年喺台灣居住270日以上,就可以申請入籍台灣,但成功入籍並唔代表可以永久居留,要獲得永久居留嘅公民身份就需要連續居留五年,每年居住超過183日,五年屆滿之後就要喺兩年內申請公民身份。

台灣同香港嘅文化差異比較細,加上來回嘅機程時間比較短,即使係即日來回亦都唔係冇可能,所以五年嘅移民監可以話比較容易捱過。

 

美國

美國

圖片來源

 

大家都知道要移民美國,一定要首先由綠卡入手,綠卡持有人如果要保留永久居留嘅身份,每半年必須入境一次,同時每年離開美國國境嘅時間不超過183日,如果綠卡持有人離開美國超過一年,就會被視為放棄綠卡。

至於要申請入籍美國,就需要五年內住滿兩年半同時每年最少有六個月留喺美國,但係如果離開美國超過六個月,其餘果幾個月嘅時間都唔可以計算係呢兩年半嘅居留時間內,如果境外連續停留一年或以上,甚至會中斷計算居留時間。

不過除咗移民監之外,移民美國本身就有一定難度,因為美國近年積極收緊移民政策,削減綠卡配額,所以同學要自行衡量成功移民美國嘅機會啦。

 

英國

英國

圖片來源

有唔少人因為係殖民地時期留下嘅情意結,而想移民英國,但係移民英國嘅門檻頗高,尤其係對於移民監嘅要求,要成為英國嘅永久居民,必須係一年內至少居住半年,並且連續住滿五年,二日後要維持永久居留權,就只需要每兩年入境英國一次就可以,雖然聽落唔係太長,但係英國同香港嘅文化差異比較大,同學要自己衡量一下係唔係真係可以突然間係一個新嘅地方停留咁耐啦!

 

馬耳他

馬耳他

圖片來源

相信好多同學都冇聽過馬耳他呢一個國家,其實馬耳他係一個小國,成個國家嘅人口只有47萬人,但係環境優美,一直門檻比較低,甚至被評為世界七大最佳退休養老勝地之一。

其中比較特別嘅係移民馬耳他完全冇移民監嘅居住要求,只需要申請請登陸一次就可以,換句說話來講移民馬耳他嘅移民監只需要坐一日就可以啦。

同學可能會話移民馬耳他並無特別吸引嘅地方,但係其實入職馬耳他後,就可以喺歐盟範圍內暢行無阻,成為左移民其他歐盟國家嘅跳板,加上馬耳他係全球唯一一個歐盟國、申根國、歐元區、英聯邦四位一體國,公民可以自由定居歐盟任意一個,自由工作、讀書或者生活,有意喺歐洲定居嘅同學不妨可以考慮吓。

 

總結

睇完以上嘅介紹,相信同學大家都對唔同國家嘅移民監有咗一定嘅了解,係選擇定居嘅國家之前,同學一定要考慮清楚自己或者屋企人有冇辦法接受長時間係一個陌生嘅環境入面居住,以免移民之路功虧一簣啦!

 

 

延伸閱讀:【移民攻略】Working Holiday都可以變移民?4個英聯邦國家的工作簽證

 

 

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments