係《陀飛輪》MV入面嘅開場白係「孩子的一天很快過去,一年卻很漫長;成人的一天很漫長,一年卻轉眼過去。」係青春期,一切都可能會飛速改變,急速發展,雖然係壓力,但亦都係自己嘅黃金機會。而你係呢個黃金機會入面,亦都需要有反思自身嘅時刻。而家一齊同Tutor Circle 尋補一齊睇下踏入青春期有咩變化。

1. 開始重視外表

讀緊中學嘅你,相信都好大機會聽過「外協」呢個詞彙(掃盲時間:「外協」即「外貌協會」,指極重視外表嘅人,只會同靚嘅人做朋友,對醜嘅人就較為冷淡),有無諗過點解小學嘅時候無聽過呢個字?原因就係踏入青春期,大家唔再「天真」(唔代表係壞事),開始識得打扮,甚至會透過取笑他人外觀黎建立自信。
心理學上亦有「月暈效應」去解釋呢樣野,月暈效應:出自美國心理學家凱爾利,即係當人覺得另一個人有一方面好嘅時候(係呢到就係靚),佢就會好自然咁認為佢其他方面都會比其他人好。
雖然呢個刻板印象係人嘅天性,但請記住唔好輕視,甚至係蔑視樣子平平嘅人,雖然佢地唔靚,但佢起碼都同你同一間學校。

點解我咁靚仔/女都仲冇拖拍嘅?

為何我仍是單身狗

青春期情緒 - mirror
青少年踏入青春期對外表開始有關心正常不過。

 

2. 羊群效應

踏入青春期,青少年開始會重視人際關係,甚至有可能會盲從大多數嘅決定。作為一個有學識嘅人,記住要有獨立思考嘅能力。同埋就算係交友嘅角度而言,敢於拒絕他人嘅要求嘅人,可能會比只識得附和嘅人更具吸引力。青春期可能會有人希望留住朋友,而做出好多不知所謂嘅野,例如係好似上文嘅例子咁透過踐踏他人係朋友圈內建立自信。係呢一刻閱讀文章嘅你,回想下自己有無做呢啲野?如果無嘅話,就證明你成熟左。

青春期情緒 - sheep
青春期中的青少年想要「合群」,很多時會跟隨朋友。

圖片來源:每日頭條

 

3. 感情煩惱

人係急速成長嘅階段會產生大量荷爾蒙,從而開始憧憬戀愛嘅美好。相信你身邊都會有同學開始講下好想同邊個俊男美女有親密接觸;傳下邊個鍾意邊個。筆者見過好多人嘅感情煩惱就係同唔到佢鍾意嘅人一齊,所以就覺得自己一無是處。面對感情煩惱嘅秘訣有三,接納自己、欣賞自己、改善自己。
如果真係好傷心嘅話,不妨搵時間放空一下自己,令自己轉換下心情。

青春期情緒 - love
因荷爾蒙影響青少年對異性產生興趣,並隨之有「感情煩惱」。

圖片來源:Thrive Global

 

4. 情緒易波動

香港人由學生時期開始就要面對好大壓力,尤其是啲三姑六婆永遠都會拎你同其他人比較。當自己情緒起伏嘅時候,最好先同令你情緒波動嘅源頭分開,再係自己平伏後,不妨係事後同佢講出自己嘅想法,再冷靜分析點解你會有呢種感受。切記,任何人都唔應該成為你嘅出氣袋。如果你以前試過亂發脾氣,請你依家係心入面對受害者道一次歉,然後以後對佢好啲。因為呢個世上會包容你嘅人其實唔多。

青春期情緒 - emotional
青春期的情緒特別波動,要注意不要為周遭的人帶來傷害。

圖片來源:COCOHK

 

總結

踏入青春期生理同心理上有所變化係自然不過嘅事,雖然一時三刻未必即刻適應得到,但係亦無需太過擔心又或者因此感到困擾。如果需要更多資訊嘅話,可以去衛生署嘅網頁睇下有無好嘅解決方法!

 

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments