我地每日都會被傳媒影響,由傳統嘅紙媒,到網上嘅新媒體,佢地都為我地提供左好多資訊。無論係社會要聞,抑或飲飲食食,我地透過媒體都可以接收近乎無限嘅資料。唔知你細個又有冇諗過做記者呢?雖然我地好熟悉媒體,但我地又有無好認真咁理解過點先係一個出色嘅記者,當然,記者都分好多種,Tutor Circle 尋補今日想介紹嘅係—前線記者。

1. 耐性

好多人都會覺得記者就係周圍去,每日去盡唔同地方收風。事實上,只係得好少獨家資訊係靠周圍拎料拎到,因為只要四圍搵就搵得到嘅料,其實新聞價值多數都唔會高得去邊。所以,記者除左收風之外,更重要就係學識「等」,例如係等採訪者出現等足幾個鐘,甚至係目標人物嘅屋企門口前面等足幾個月。而係等嘅時候,亦都需要敏銳咁觀察周圍嘅風吹草動,以求第一時間捕捉到目標採訪。所以,做前線記者,機會是留俾肯等嘅人。

記者 入行 - wait
做前線記者講求耐性,只有等得起嘅人先拎到第一手資料。

圖片來源:Coach Rye

 

2. 考車牌

雖然公司會有幾架車係留比記者出去採訪。但係雖然有車,有時記者要單獨行動,有時又要隱藏記者身分,就好似上面所講嘅「等」咁,記者當然唔會拎架公司車去潛伏係人地門口啦。所以,記者唔考車牌其實係工作上係非常唔方便。所以係入行前就最好自己考番個車牌,即使只係識駕駛電單車都可以幫到你完成工作。

 

3. 隨機應變

係一啲重大事件發生嘅時候,記者就會係事發現場為觀眾/讀者提供最快最新嘅資訊,當中可能就會有危險嘅情況出現。更嚴重嘅係,雖然危機重重,記者除左唔可以退縮之外,仲要比其他同行更快收集資訊同埋霸位進行現場報導。
例如係2005年嘅反世貿事件入面,有記者就要硬食催淚彈同水炮。另外,如果記者退縮嘅話,輕則聽日被照肺,重則以後唔洗番工。因為大多數商家重視銷量多過記者安全。

記者 入行 - protest
前線記者為觀眾提供第一手資訊,有時候亦會遇上一啲危險嘅情況。

圖片來源:新傳網

 

4. 妥協

作為一個記者唔多唔少都會滿腔熱血,希望用自己枝筆去維持正義,話比大眾知社會上有咩害群之馬一直偷偷作惡。但係有時佢地想做呢樣咁有意義嘅事果陣,公司可能會因為呢單新聞唔夠爆,唔夠多人睇;唔想得罪有勢力人士;人手唔夠呢啲理由去拒絕佢地嘅提議。所謂,做記者就好似政治咁,係一門「妥協嘅藝術」,要係理想與現實中間搵出一個平衡點。

記者 入行 - compromise
做記者亦要識審時度勢,受到制肘,並唔係想像中咁自由。

圖片來源:Funny

 

總結

最後,雖然做記者人工唔高又唔易做,但係筆者都鼓動有志之士為理想去做自己想做嘅野,因為比起其他人嘅追夢,最起碼呢一個夢可以有穩定嘅收入。

 

【延伸閱讀】PR入行 – 你又知多少 – 日日都「身光頸靚」好鬼正?

【延伸閱讀】【傳理出路】讀完一定要做記者?

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

分享俾你嘅朋友喇!

Comments

comments