一篇文幫你拆解 IELTS 考試!

IELTS !全稱係International English Language Testing System,顧名思義就係用黎測試一個人嘅英文程度嘅考試,IELTS嘅廣告你就可能見得多,但你又知唔知佢有咩咁特別,或者到底係點考?唔知就繼續睇落去啦!因為Tutor Circle尋補會幫你拆解呢個試!

IELTS有咩特別?

IELTS自1989年就成立,當中嘅考試內容同水平主要係由劍橋大學去制訂,唔少國家嘅英語考試可能會側重左係某個口音/文化/能力,甚至根本考唔到個考生,係咪係日常生活都能夠使用到相應嘅英語能力。相反IELTS 嘅考試,係會考慮到唔同國家嘅英語口音,英、美、甚至印度都會有,而IELTS都特意分開左Academic 同 General Training 兩種考試;Academic 當然就係學術,俾翻學生同在職人士去考,考核嘅內容題材都會係出自於學術刊物、社會議題等等;

而General Training 就主要俾翻移民嘅人去考,所考核嘅內容題材都會較為廣泛貼地架!考慮到語言能力會有改變,IELTS嘅成績只能維持兩年,兩年後有需要用個成績就要再考,去確保翻你有無退步/進步!所以係多方因素配合之下,令到IELTS成為國際上最廣泛接受認可嘅考試!

考完DSE做咩要考IELTS喎?

無錯,DSE嘅成績的確有唔少國家嘅教育機構認證,但DSE 萬一失左手,要等一年先再有得考,一年後個動力都流走晒去大西洋反而IELTS係一年起碼有48次機會俾你考!只要肯俾錢 (~HKD2000)就考得!

而考出黎嘅成績係:可!以!取!代!DSE成績!本港大學絕對接受!兩個system係有成績對照,例如IELTS 7分約莫等於DSE 嘅5〜同埋上一部分講過IELTS係接近全球認可,去外國留學搵工必備啊c-hing

IELTS點考架?

今次就講下IELTS嘅academic 點考啦!同樣分為聽、寫、讀、說4個部分嘅考試,多數都會係同一日內完成,聽(~45min)、寫(~45min)、讀(~60min) 一次過係朝早考晒,共約三個鐘。傍晚再考嘅就係:說(~15min)!成個過程可以係快、狠、準! 然後13日內就會派發翻成績架啦~

首先講聽;Listening:主要分4部分,聽嘅內容會由淺入深,聽完錄音後會有10min整理答案,小編認為錄音嘅速度比DSE聽嘅係快,答案出現得都相對頻密,所以最好係margin嘅位置jot notes,睇料嘅時候highlight左重點  e.g. 人名/地點/時間,咁就清楚知道自己要聽啲咩啦~

寫;WritingWriting 分2部份:1) 整理圖表資料 2) 議論文

第一part 最重要係睇清楚個係想你解釋圖表嘅咩資料!唔好睇錯個走勢/單位/標題!

第二part 記得要俾個立場,同埋一啲suggestions啊!

IELTS 嘅writing 唔要求用好學好深奧嘅字,反而要適切就夠啦~(d'∀')

讀;Reading總共分左3篇文章,一樣係由淺到深〜

所以要小心Time management~ 唔好花太多時間係前面令到後面無時間做啊!(ゝ∀・)

說;Speaking分左3部份~

第一part 就係同下個考官閒話家常,睇下你係日常生活應有到嘅英語能力〜

第二part 考官會俾一個topic你,俾你準備1分鐘,然後做1-2分鐘sharing,最重要清楚易明!

第三part 就係考官會跟據你嘅sharing問多啲follow-up嘅問題,

最重要係自然!放鬆!笑容!外國人考官好明白母語唔係英文嘅人,講英文未必係好流暢,佢地都唔會因為你有少kick而扣好多分架

IELTS點溫啊?

其實網上都有好多練習同video去幫大家應考IELTS〜YouTube會有listening錄音練習同speaking 參考video~Google都有唔同嘅reading articles同 writing questions!記得好好利用 篇文都較長,但希望都幫到你地去應考IELTS,攞到個好成績啦!

 

【延伸閱讀】考ielts – 一篇文幫你拆解 IELTS 考試!

【延伸閱讀】IELTS私人補習 – 考ielts你可以點準備?需唔需要私補?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments