空姐、空少係好多人夢寐以求嘅職業,趁年輕嘅時候逗住人工周遊列國,中意去旅行嘅你一定會心郁郁想加入成為空中服務員。每年都咁多人想加入航空事業,但好多人係第一關嘅面試就已經卡住左,甚至有啲人反覆投考都仲係考唔上,唔通真係唔夠靚女/靚仔就唔做得空姐/空少?Tutor Circle 尋補同你整合一下面試嘅時候有咩tips!

1. 基本要求

香港大部分的航空公司對投考者嘅身高係冇要求嘅,要求嘅係要通過摸高測試(Arm reach test),一般最少都要單手觸及2米以上,有航空公司甚至會要求要三指觸及212厘米,要視乎返每間航空公司唔同嘅要求。如果先天冇優勢嘅朋友都唔係冇辦法,因為只要求單手掂到就得,所以就算身高唔夠,都可以以柔軟度搭夠,面試之前拉多啲筋,係屋企練習多啲就會見到成效!
另外有啲外國嘅航空公司會有語言水平測試,要事先考左有個成績先,要注意番黎做好事前準備啊。

我咁中意去日本,當然要考日本嘅航空公司啦!有咩方法可以學好日文?

自學日文考JLPT!

 

考 空姐 - stretching
天生唔夠高嘅話可以拉多啲筋,單手都可能可以觸及2米以上。

 

2. 化妝儀容

考空姐最重要嘅就係第一印象,唔一定要好靚女,但儀容一定要整齊、順眼,千祈要避免標奇立異或者污糟邋遢,一望就覺得不修邊幅咁。長頭髮嘅女仔切忌披頭散髮,唔一定要紮空姐髻,但一定要紮起頭髮,整整齊齊咁見面試官。
而化妝方面最緊要有血色同自然順眼,唔好化埋啲日系、韓系妝,太誇張嘅眼妝同埋用色都會比面試官覺得唔夠順眼,所以眼妝盡量清寡,精神就好,胭脂同埋唇膏揀返啲紅色、粉紅色,打造自然有氣色嘅妝容。
另外衣著方面整齊就可,合身唔好太鬆或者太緊身,最好熨一熨先去,顏色都唔好咁鮮艷,簡單樸素為主。

考 空姐 - lipstick
就算平時冇化開妝都好,空姐面試一定要化少少妝,增添氣色。

 

3. 面帶笑容

空姐都係服務業之一,經常要面對客人。所以笑容係好重要,唔止面試嘅時候要一直保持微笑,一進入面試場地嘅時候就要keep住笑,無論係咩情況之下都要表情管理,一個唔小心露住一啲不屑或者發呆嘅表情就會大大扣分,尤其係小組討論嘅時候最容易發生,係人地講緊野嘅時候忘記左一直保持住笑容。微笑會令面試官覺得你具備親切感同親和力,係適合做空姐嘅材料。如果唔係好識得笑嘅朋友要自己對住塊鏡練多啲!

考 空姐 - smile
面露微笑展現親和力,係屋企可以對鏡多啲練習。

 

4. 勿搶風頭

因為每個航班都會同唔同嘅機組人員合作,所以小組討論環節就係要黎考核你係咪一個容易相處和合作嘅人。小組討論唔一定要係咁發言同埋說服人地,反而係要表示你會聆聽人地講野,理解同埋作出相關回應,突顯出你係一個good team player,而唔係一味要搶風頭,爭做第一。

考 空姐- group discuss
聆聽同組面試者嘅睇法,點頭微笑並作出合適嘅回應,就可以突顯到你係一個容易合作同識得同人相處嘅人。

 

5. 曝露內心

好多人想做空姐都係因為可以周圍飛,去唔同地方旅行。所以當面試官問到點解想做空姐嘅時候就好容易會衝口而出,講起自己對旅行有幾熱衷。咁樣就錯曬喇!航空公司最唔受落嘅就係因為中意去旅行而做空姐,請你返黎係服務乘客而唔係比你做乘客,而且講因為中意去旅行而想做空姐就會令人覺得你會唔認真工作,心思淨係諗到埗去邊度玩,咁自然就唔會請你啦。

考 空姐 - travel
請你返黎係做野唔係比錢你去玩,所以千祈唔好透露你心底嘅想法。

想知多啲巴黎景點

總結

每年都有好多求職者投考空姐,想係咁多人之中脫穎而出並唔容易,快啲拎本筆記mark低,仲要係面試前做好果間航空公司係背景資料research啊!祝各位考空姐之路順利~

 

【空姐風光背後】辛酸經歷無人知,睇完仲想唔想入行?

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments