好多大學生都會做私補,原因係導師可以用好少嘅時間就賺到一筆唔錯嘅收入。而私補咁好賺都有人望之而卻步嘅原因就係「唔知點教」。例如:好驚教唔好個學生;唔知果個幾鐘做咩好;明明上堂教完佢,佢係學校果到又做錯等等。以上呢啲事都會令到有心教嘅導師感到沮喪。以下Tutor Circle 尋補就為有心做私補導師嘅讀者提供一啲小技巧啦。

1. 對症下藥

係第一堂之前,可以先係電話詢問一下點解你嘅學生需要補習,係呢一科上面佢有咩係識,有咩係完全唔明。然後再根據呢啲資料去決定教學內容。例如好似語文科咁,你嘅學生可能閱讀能力好高,但佢係說話分卷嘅表現較差,捉唔到拎高分嘅技巧。咁係課堂上就可以用少啲時間教寫作,多啲時間教說話。

第一次搵私補唔知點做好?

即睇首堂準備攻略

私補 點教 - 對症下藥
補習導師宜對症下藥,針對學生表現較弱的地方來改善。

圖片來源:心脏病- 寻医问药

 

2 .教完唔代表考試識做

呢一個問題成日都會係數理科出現。用數學科做例子,就係當你係堂上面教你嘅學生做一題數果陣佢係明嘅,但係去到考試果陣佢又做唔出。呢一個問題大多出自學生只係識係你嘅輔助下做岩果條問題,而當佢獨立做果陣就會唔識。
解決方法:係做題目果陣除左解題之外,亦要培養佢嘅獨立思考同埋解題能力,例如最簡單嘅就係見到keywords果陣條題目應該點樣做等。

私補 點教 - independent
除左一味傳授知識,導師都要比學生獨立思考,自己試下解題。

圖片來源:Twitter

 

3. 溫習+預習

去瞭解學生嘅最近嘅學習進度如何,最好嘅方法就係問下佢最近教到邊個課題,然後叫佢比最近嘅功課比你睇,又或者係叫佢即場試做果個課題嘅題目。然後根據佢做出黎嘅野,去同佢講番佢有咩不足。如果時間許可,亦可以幫佢簡介一下之後會教嘅單元,等佢係學校學習果陣比其他人更快更好咁掌握課題內容。

私補 點教 - revision
導師上課每一堂都有連貫性,同學生溫書返上堂所教,亦可以預習黎緊會教嘅野,幫助佢掌握。

圖片來源:webarchive.ncl.edu.tw

 

4. 閒聊

雖然私補最主要目的係學習,但係師生培養關係亦都係極之重要。因為佢會令課堂氣氛更加輕鬆,從而減輕私補學生嘅壓力。因為佢地放學之後仲要去補習其實都幾辛苦,所以假如將補習嘅所有時間都放黎學習到,反而會拖慢效率。再者,私補導師同學生之間嘅年齡差距大多數都唔會差好遠,所以營造亦師亦友嘅關係會比較易。

私補 點教 - friends
比起學校老師,私補老師更加同學生有朋友嘅感覺,師生關係良好亦會令同學更易於課堂受益。

圖片來源:兩岸時報總社

 

總結

最後,私補雖然唔易做,但係見到個學生係自己嘅教導下進步,其實係一件好多成功感嘅事。而hea教其實呃人錢之餘,仲係誤人子弟,令一個學生失去左學習機會。

 

【延伸閱讀】究竟揀男朋友難啲定揀補習導師難啲?私補老師一樣唔易揀!

【延伸閱讀】【補習Secret】私補男老師係原罪?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments