【補習Secret】講起Secret大家都會諗起名校Secret、各大專院校Secret、真。補習Secret等等,而Tutor Circle尋補作為私補配對平台,都有唔少關於私人補習既趣事趣聞同大家分享,尤其係唔少學生家長導師都會同我地反映一啲私補鮮為人知嘅秘密,就係到同大家分享下啦!

 

私補呢行不嬲重女輕男就係人都知架啦,個個都話要搵女導師,女學生又話要安全啲,男學生又話想親切啲。我地依啲私補阿Sir去到邊都冇人吼,算吧啦,咪又係要做,所以我已經慣性會apply晒所有cases,不論佢係搵女導師定乜,然之後去勻咁多個補習網apply囉,點知真係比我搵到一單返黎做,仲要係女學生。

 

但係經過依件事之後,我真心覺得男導師嘅權益都應該得到保護。

 

一開始收到個case啦,都覺得幾荀嘅,始終上門地方近,價錢又有返咁上下,都冇特登諗會遇到咩學生,出黎撈左一段時間,學生基本上唔太癲正正常常我都okay。不過學生係點都好,我都係照教姐,冇乜野嘅,但今次個情況有少少唔同,個問題唔係學生到,而係個家長。

 

第一堂上到學生屋企,見到佢地一家四口都係到,除左細佬好趣緻同埋學生有啲怕醜之外,已經feel到佢地父母好似唔係咁友善,一入到黎就對我上下打量,雖然我個日係著得mk少少姐,都唔洗咁呀,搞到我好似做錯左啲咩咁,個下條氣唔係幾順,我忍,話晒我都係打份工姐。

男老師 - 呀源
面對不公,我忍。圖片來源:呀源

 

學生屋企唔算好大,個廳勉強容納到4個人,阿爸同阿媽兩個人坐左係張梳化,細佬就坐左係地下玩,個廳已經冇乜位剩,如果係到教嘅話我應該要收返4個人嘅學費,好彩阿媽都識做,叫我地入去學生間房到補。

 

「家姐,同阿sir入房補啦。」阿媽指向房門,之後細細聲補多句「小心啲呀。」佢個下真係驚死我聽唔到咁。冇計,男導師真係原罪,雖然想出聲澄清下,不過最尾我都係忍住,反正清者自清,求其入左房就算,拿拿聲補完閃水,做得服務業預左受氣架啦。

 

入左房,關左門,咁我就叫個學生拎本書出黎,比我睇下佢學到啲咩。望左幾眼之後,我就叫個學生試下做幾條題目,比我睇下佢嘅程度去到邊。做到一半突然間道門「砰」一聲,學生阿爸破門而入,做咩呀?拍「烈火雄心」呀,要爆門救人呀?個下我同個學生都O左 ,唔係呀嘛,補個習,洗唔洗咁呀,真係驚我食左你個女咩。個老豆望左幾秒,見到我同學生都好正經咁係到補緊習,指住我,喝左句「繼續補習!」之後就砰門走左。

男老師 - 烈火雄心3
圖片來源:電視劇《烈火雄心3》

 

喂大佬,男導師姐,唔洗咁樣呀,真係火都黎,好似一定會騷擾你個女咁。你地咁鍾意女導師咪揀女導師囉,而家我上到黎補都係到句句疾住晒,而家得罪你咩?男導師呢個身份去補習好似係原罪咁,尤其是對住女學生,多得網上啲媒體日日都係到渲染男補習老師就係呃蝦條同抽水,搞到今時今日男導師冇晒地位!男導師都有專業操守同師德架,唔好下下都標籤我地做色魔啦。衷心希望各位家長同學生唔好再戴有色眼鏡去睇男導師。

男老師 - Oscar Ma
補習名師Oscar Ma曾被爆出與學生師生戀醜聞。

 

【延伸閱讀】補左呢2個女仔之後,我對私補產生左陰影

【延伸閱讀】第一次補習?首堂如何準備?私補備課須知

 

此文章純屬 Blogger 個人分享,並不代表本網誌立場。

 

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments