好多人都覺得大學唔讀職業導向、有專業既科目,走去讀文科、社科、理科,好似社會科學(Social Science)呢科咁,認為呢類非專科必然乞食。Tutor Circle尋補對此深感不滿,決定同大家講下社會科學出路,話比大家知讀Soc Sci唔一定冇前景,社會科學Fresh Grad都可以搵到份好工!

大學原意

 

 

 

大學之道,在明明德,在親民,在止於至善。

 

 

其實學術或者大學既原意,並唔係教你一啲技能去幫你搵食,而係注重培養思維上既發達,德國哲學家康德亦曾經指出「大學是一個學術共同體,它的品性是獨立追求真理和學術自由」。但係唔少人都認為呢類被標籤為搵唔到工既科冇用,何謂「有用」?係咪一定要幫你搵到工既知識先係知識,對搵錢至上既香港人黎講應該好好反思呢個問題。

1.大類社會科學(broad-base)選擇

香港大學 The University of Hong Kong

  • 中國研究
  • 地理學
  • 政治與公共行政學
  • 心理學
  • 社會工作及社會行政學
  • 社會學
  • 認知科學
  • 輔導學
  • 刑事司法學
  • 傳媒與文化研究學
  • 城市管治學
  • 神經科學

 

中文大學 The Chinese University of Hong Kong

社會科學出路 - 雙軌收生模式
中大除左大類收生之外,仲提供分科收生比JUPAS而家揀好方向既學生。
  • 建築學
  • 經濟學
  • 地理與資源管理學
  • 政治與行政學
  • 新聞與傳播學
  • 心理學
  • 社會學
  • 城市研究

 

浸會大學 Hong Kong Baptist University

  • 地理
  • 政治及國際關係學
  • 歷史
  • 體育及康樂管理
  • 社會工作
  • 中國研究
  • 歐洲研究 – 法國
  • 歐洲研究 – 德國
  • 地理
  • 政治及國際關係學
  • 社會學

點解要大類收生?

social science出路 - tap
社會科學既範圍太廣,用4年去讀既話只會係蜻蜓點水。

社會科學就係用科學既方法去研究社會上人類既行為模式同人為現象。需知道,要了解一個社會,係需要從大量唔同既角度去入手,經濟、政治、文化等等,解釋左點解社會科學系一定要分成大大小小既學科。

因為要係4年內研究所有社會科學相關既野係唔實際既,所以大學會比學生揀一個感興趣作為Major,深入鑽研個一科,部分院校既JUPAS只有社會科學大類收生的Programme,因此學生需要讀左一年Broad-based課程先可以delare major。

 

可以係社會科學學到咩?

社會科學出路 - Social Science infographic
科學方法+人文研究+社會關係=社會科學。

中大社會科學院院長趙志裕教授就咁樣回應:「我們啟發和啟蒙,致力創造和傳播創新、嚴謹、與社會相關的知識。不但為社會謀福祉,也為決策者提供參考資料,改革社會。」

最重要唔係一啲死梗、背書背返黎既理論同例子,而係你從study呢啲資料既過程中學識左既批判能力、邏輯思維同嚴謹既研究學習態度。聽落對第時既工作冇乜幫助,但我地唔應該就此認定呢科係乞食,Soc Sci出身既畢業生係有著屬於只有社科生既專長㗎!

 

社會科學出路

港大:政府,管理顧問,公共關係,銀行,公共政策,環境服務,博物館,文化或科學寫作/新聞,以及非政府組織等職場上,更具競爭力。

 

中大:因應主修有不同的發展出路。

  • 經濟學:「城巿及區域規劃、城巿設計、環境保護、 公共管理、房屋及土地開發、教育、經濟發展、社區發 展等不同領域就業或繼續深造。」
  • 地理及資源管理學:「教育、 旅遊、城市規劃、環境保護及管理、自然保育、地理 信息系統、社會服務、企業、金融、行政及管理、資 訊服務,均能發揮所長,擔當重要角色。」
  • 社會工作:「大部分畢業生從事註冊社工及社會福利相關工作。我 們欣喜畢業生認同社會工作的人文價值和倫理,並秉 持對弱勢社群的關顧。」

中大各主修修讀範圍及就業前景

1.公務員

社會科學出路 - 公務員職系
公務員既人工相當唔錯,而且福利好同穩定,成為唔少Soc Sci人心目中既首選。

為左追求穩定既生活,政府工成為左唔少大學fresh grad既首選,人工OK,出糧準時,工時穩定,福利好!對Soc Sci既畢業生黎講,政府工都算係首選,其實只要係同人有關既工作,都會牽涉到社會科學,以下列出部份公務員工種出路:

  • 紀律部隊:懲教處、入境處、政府飛行服務隊、消防處、海關、警務處
  • 專業部門:土木工程拓展處、海事署、地政總署、屋宇署、律政司、法律援助處、庫務署、天文台、發展局、建築署、漁農自然護理署、統計署
  • 行政職位:高級行政主任、二級行政主任、二級管理參議主任、行政主任、政務主任

專業部門除此之外左一般行政職位之外,仲有設置左好多特定部門既職位,例如係土木工程拓展署(技術主任)、食環署(高級衛生督察)、地政總署(測量主任)、社會福利署(社會工作主任)、天文台(科學主任)等等,政府工其實都有好唔同選擇㗎!

 

2.編輯

如果你對文字有一定熱誠,同時都想繼續發展一下學術上既抱負(唔會活用到大學入面既知識),你可以考慮行寫作呢條路!雖然創作自由度唔算高,唔少編寫既主題都唔係由你決定,例如可能要寫旅遊版、娛樂版,甚至風月版!不過,係這寫作既過程你都可以學到好多野,彼如話吸收到唔同種類既資訊、提高寫作能力、學習係壓力下工作,編輯仲可以細分做唔同既崗位:

  • 撰稿員
  • 廣告文案編輯
  • 社交媒體編輯
  • 報章編輯/記者
  • 教材編輯
  • 網站編輯
  • 出版編輯
Social Science出路 - Ernest Hemingway
對編輯黎講,每日既生活就係對住打字。

 

3.繼續進修

如果覺得讀完Social Science仲未有一技之長,怕搵唔到工,唔緊要!基本上十個有九個既Soc Sci fresh grad同你有一樣既諗法,呢個時候,你就可以考慮讀一科專業既科目黎增加自己係職場上既競爭力啦。進修黎講,都可以分兩大方面。

學術

選擇進修歷史、哲學、社會學呢一類既MasterMphil,因為你真係對學術非常有熱誠,好想終身投身於象牙塔之中,第時可能做大學既professor,或者老師,甚至做研究等等,但學術呢一條路絕對唔易行,尤其當社會唔係太重視學術既時候(視乎咩學術啦,Biomed、CS個啲咪重視囉),資源自然唔會多,咁競爭就會好大。

職業

讀多一科專科就會穩定得多,可能係攻Accounting、Law、Nursing、Civil Eng 既second degree,畢業之後再搵返相關行業,咁個Bachelor of Social Science就當係比自己4年去追夢或者回憶;亦都可以揀去進修專業文憑,例如PGDE(教育文憑)、QP(會計師資歷)、CFA(財務分析師)等等,都有助你搵到專業工種。

 

總結

無可否認,社會科學的確幫唔到你搵食,但其實好多公司都需要對社會熟悉同思維清晰既人才。有時候,搵唔搵到工同有冇晉升機會,只係在乎你係職場上既努力同你既心態,同你大學讀咩Major其實關係不大,因為好多公司都唔介意請一個大學生返去教,始終本身大學生就冇咩專業知識同經驗(除非你係專科)。

再者,社會科學並唔係好似坊間咁樣講乜都識啲但唔專,其實要讀既話都可以讀得好深入同好專,大學用大類收生想大家了解唔同學科,再揀一科黎專精,Major入面既知識對你將來職場都會有一定幫助,尤其是當中帶比你既Soft Skills。

 

【延伸閱讀】學科讀乜做乜睇真啲 – 護理學!

【延伸閱讀】讀law 出路 – 學科讀乜做乜睇真啲 – 法律!

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments