好多人對營養學嘅印象就係出黎做營養師,即係減肥嘅時候要見嘅人,以為佢地嘅工作只係制定減肥餐單,坐係度比啲飲食建議咁。但其實讀營養學唔代表做營養師,出路亦都唔止係呢方面嘅。有意修讀營養學或者已經讀緊而又煩惱緊第時畢業做咩好嘅同學就要同Tutor Circle 尋補一齊睇下呢篇文章喇~

1. 醫院/診所

第一個就係係醫院或者診所做註冊營養師喇,最直接最正路嘅出路之一。但要留意,單單係香港完成營養學課程係唔能夠成為註冊營養師架,畢業之後就再去海外留學考返個牌,先可以係香港以註冊營養師呢個頭銜執業,香港認可來自英國、澳洲、加拿大、美國牌照,而常見嘅會去英國或者澳洲考返黎。如果唔想出國又或者又節省開支嘅話可以選擇由HKU Space提供嘅Postgraduate課程,一樣可以拎到英國牌照。

讀醫有幾辛苦你又知唔知?

讀醫背後嘅辛酸冇人知

營養學出路 - nutritionist
成為註冊營養師係讀營養學嘅常見出路。

圖片來源:Holistic Kenko

 

2. 食品公司

隨著近來愈黎愈多食品安全事件,例如地溝油、黑心肉呢啲愈爆愈多,市民對於食品嘅健康性愈黎愈重視,因此亦為營養學嘅畢業生創造左好多新嘅出路選擇。食品公司,尤其係標榜健康食品嘅公司都會聘請一啲讀營養學嘅畢業生,為佢地嘅產品比啲意見。同註冊營養師唔同,呢個出路會較多傾向商業,亦可以參與更多嘅範疇,例如市場推廣或者採購。

營養學出路 - food company
愈黎愈多食品公司希望聘請營養學嘅畢業生幫手。

圖片來源:CUNY Urban Food Policy Institute

 

3. 飲食集團/餐廳

大眾對於健康既關注愈黎愈高,個個都話要食得健康啲,不少食肆都推出「有營餐單」,主打「三低一高」,即低脂、低鹽、低糖、高纖。所以係飲食行業亦都對營養學嘅畢業生開始有需求,同上面食品公司有啲相似嘅係會有更多有關商業方面嘅範疇,例如點樣去宣傳,甚至係有份設計餐單,需要同唔同嘅人打交道,唔係對黎對去都係病人咁悶。

營養學出路 - eatsmart
衛生署推出嘅有營食肆計劃令好多餐廳打響健康飲食頭號。

圖片來源:有『營』食肆

 

4. 護理產品

人口老化問題困擾住香港眾所周知,除左老人院同埋福利嘅需求愈黎愈大之餘,一啲護理產品或者係保健品亦都形黎一個新嘅市場。加上健康意識提高,服用保健品亦都有年輕化嘅趨勢。面對住突如其來嘅需求上升,相關人手亦當然需要多啲,讀營養學嘅同學仔正正就係呢啲公司要搵嘅人才喇!

營養學出路 - supplement
愈黎愈人注意健康,令保健品市場逐漸擴大。

 

5. 社區護理中心及老人院

係社區護理中心或者老人院工作應該係大家可以諗到第二正路嘅答案,一樣係人口老化之下愈黎愈多老人家需要照顧,而且生活好左亦都令肥胖問題愈黎愈嚴重,大家第一時間諗到嘅提供減肥建議終於出現喇!幫人減肥,又或者有個別情況係太瘦要增肥,同埋為有特殊需要嘅人制定飲食,例如糖尿病患者同高血壓患者咁。

營養學出路 - elderly
人口老化問題令護理相關行業人手需求大幅上升。

 

總結

總括而言,讀營養學並唔係得考牌做註冊營養師一個選擇,其實出路比想像中豐富,畢業後亦可以投身商業社會,而且伸有幾多機會去發展tim~未知將來去向嘅你希望睇完呢篇文章會幫到你啦。

 

【延伸閱讀】【中醫出路】經唔起科學實證既偽科學?中醫出路全攻略!

【延伸閱讀】三大biochemistry出路 殊途而同歸?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments