「嘩你讀psycho架！咁你咪會知我諗緊咩囉！」「畢業出黎做心理醫生，真係叻仔啊！」除左醫科同法律系，小編估計應用心理都係另一科俾人瘋狂神化嘅學科但呢科「神科」讀嘅野，出黎可以做嘅野，又係咪同你認知嘅一樣呢〜？Tutor Circle尋補講真相比你知，
Let’s see〜
應用心理 係點應用法？
簡單啲黎講，就係學到嘅心理知識、理論，係適用於社會各方面嘅範𤴆〜事關有人存在嘅地方就有心理嘅存在，所以真係好多事上心理知識都會幫到你 ，例如係臨床心理學，會研究人嘅社交情感行為；法律心理學，會研究立法、犯罪心理；消費心理學，會研究人消費嘅原因、喜好等等〜所以應用心理覺唔單止係學晒啲theory，仲非常講求實踐！不過讀係幫你了解人類行為心態、出現嘅原因、解決問題，提升人嘅生活素質，就唔係幫你學做讀心神探囉。
讀心理 = 做心理醫生？
錯錯錯錯錯錯錯錯錯錯錯！大錯特錯！呢個應該就係坊間對於讀心理嘅最大謬誤了，係香港，做醫生係必須要讀醫科！而香港亦未設有心理醫學呢一個分枝 ，大家係香港見到所謂嘅「心理醫生」，有兩個可能性：
（一）佢係讀完醫科 嘅 精神科醫生，可以處方精神科藥物
（二）佢係讀完應用心理 嘅 心理學家，唔可以處方精神科藥物，會同病人做心理治療
你可能問：唔係喎，成日都有人見完心理學家都有藥食嘅， 咁都係有兩個可能性：
（一）條友犯法，因為佢無處方藥物嘅專業資格
（二）Client係經心理學家轉介，而去見精神科醫生consult 再攞藥
不過係其他國家，例如係美國，都有啲州分係法律允許心理學家處方藥物嘅〜但係香港，讀 完 應 用 心 理 唔 係 代 表 你 會 做 醫 生 的
心理學家易做嘛？
可能你會話：又唔開得藥，咁係咪靠把口講幾句安撫下個病人就得，同社工咁上下 ？拿你又錯啦， 因為就算只係講野，都要好小心每一句你講出口嘅說話，因為某啲client會好敏感，當佢當你係一個權威，對你有十足嘅信任，可能你口快講錯一句，都已經會大大影響佢嘅情緒同行為 ，而且都唔係淨係傾計，仲包含可能係催眠、認知行為治療等等唔同形式嘅治療，例如client對某件物件/情境有恐懼症，臨床心理學家就要靠營造一個模擬嘅形式，幫助client逐步逐步去克服呢種恐懼 ， 通通都需要心理專業知識，唔係靠把口就完架〜
【延伸閱讀】心理學出路：讀心理學就一定識讀心？唔通要做讀心神探？
此文章純屬 Blogger 個人分享，並不代表本網誌立場。
想追返學校進度？Tutor Circle尋補有超過10,000個三大導師，即日幫你搵一個合適既導師！
DSE讀得咁辛苦，想活用知識黎賺下外快？
緊貼尋補 Blog、Facebook 同 Instagram，尋補？Tutor Circle！
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式
