廣東話,又稱粵語、廣府話、白話,亦即係我地平時講嘅「口語」。香港人由細講廣東話講到大,你又對佢有幾深嘅認識呢?最緊要正字!正字代表緊我地既粵語文化,香港人有責任去守護。而家傾偈好多時都係WhatsApp打字多,成日打埋晒啲5P字。Tutor Circle尋補以下就教大家幾個成日講但又未必識正字既字比大家!

1. 㿺㿭

呢隻字係咪好陌生呢?比個tips大家,應該呢排開始大家都會講得比較多呢個字,因為秋天已經到左喇,大家嘅皮膚可能都會開始乾燥。估到未呢?冇錯就係平時所講嘅「爆拆」喇!

廣東話正字

(圖片來源:娥羅納英藥用雪花膏廣告截圖)

 

2. 䟴腳

「我最憎人un腳架喇!」「唔好再un腳喇下!」你係咪同我一樣都好唔中意人地䟴腳呢?唔識寫個「un」字話人嘅時候即刻霸氣盡失啊!un腳嘅正字係「䟴腳」,以後想叫人地唔好䟴腳就要記住個字點寫喇!

廣東話正字

(圖片來源自網絡)

 

3. 㪐㩿

正所謂有邊讀邊,呢個字比到你都可能唔知點開口讀。呢個詞語就唔係啲咩褒義嘅形容詞黎嘅,係形容人講野好唔暢順、唔夠流利啊~就係「甩咳」喇!想打「甩甩咳咳」就記住要寫㪐㪐㩿㩿喇,睇到我都有啲眼花。

廣東話正字

(圖片來源:電影《皇上無話兒》)

 

4. 拗手膼

男仔唔知點解零舍中意拗手瓜,可能因為可以展示自己好man嘅一面掛(拗贏左果個就話姐,輸左真係好_架嘛)咁中意拗手瓜又知唔知手瓜係正確寫法係咩呢?「手膼」個膼字係指二頭肌,即係成日講嘅「老鼠仔」。

廣東話正字

(圖片來源:電影《神臂大叔》

 

5. 俹簁

「你點解做野咁乸西架!」唔好誤會,我並唔係係度講粗口,而係講緊「俹簁」,話你做野貪快又求其,馬馬虎虎了事啊!「俹簁」呢個字可能年輕人少啲用,但可能比媽咪同老師都話過唔少次!

廣東話正字

(圖片來源自網絡)

 

學識粵語正字,以後想串人嘅時候都唔錯錯字別字搞到霸氣盡失啦~廣東話文化博大精深,要學嘅要點止咁少呢!

 

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

分享俾你嘅朋友喇!

Comments

comments