每年睇到Jupas嘅新聞,都例行會見到「教大幼教最熱門 逾百人爭一個位」。大部分學生揀呢科都離不開2個原因:1. 喜歡小朋友 2.十分喜歡小朋友 :D但你對小朋友嘅喜愛,又足唔足以支持住你係大學四年甚至之後繼續做?或者真係要尋補Tutor Circle帶你睇清睇楚幼教係咩一回事你先知啦 😮

根本唔係教育咁簡單!

幼兒教育,就當然係要學習下點樣教育小朋友,但教育裡面本身已經涉及好多元素,仲要個對象係幼兒,分分鐘係連你解釋點解人要呼吸都未必聽明嘅人,令到要學識嘅野就更加多:o例如係幼兒嘅心理特色、生理特徵、發展路向、輔導原則、特殊教育等等等等等。呢啲通通都係學習點樣去應對一班幼兒學生。但如果各位長居教育界發展,可能有一日就會做上管理層嘅位置架嘛XD (FF下都好)所以對於認識自己作為老師嘅角色、點去協助一間幼稚園運作、行政上法律上有咩要注意,課程都會通通為你打好個底。講到呢到,都知讀幼教都真係唔係咁easy :$

幼教 出路

理想現實大不同?

你以為讀完出黎,你就可以順順利利教好書?少年你太年輕了。讀完一大堆理論,原來一做落就會知「執生」先係最重要:o先勿論學生個個性格能力唔同,學校風氣理念又唔同,要求老師嘅教學方法又係唔同,仲有家長嘅訴求,學校嘅教學時間表,加加埋埋所有野,原來幼教就好似變左:每日對住班嘩鬼趕課程。辛苦?係好辛苦架啦。但係有咩驅使大家繼續教落去?係愛?定係責任啊?NO NO NO NO NO。係每日見到班小朋友都有進步嘅滿足感啊哈利 🙂

幼教 出路

圖片來源:香港教育專業人員協會

雙肩沉重壓力大

我相信大部分幼教學生個腦袋離不開會諗幾樣野:下個星期lesson plan點搞好?點解andy仔淨係上我堂先咁嘈?個curriculum加咩活動落去好?久而久之,intern翻得多、功課做得多,仲要諗起自己原來背負住教育下一代嘅責任,做得唔好,唔岩大家心水,學校家長一齊黎指責你都仲得,壓力都咪話唔大。結果就係有人原來花左4年時間讀一科專業,最尾都係去翻考政府工、做office work就算。小編訪問個朋友去到呢到,都忍唔住問左一句:講到咁攰咁harsh,咁你grad左仲做唔做老師啊?結果佢好瀟咁拋下左一句:Remember why you started :o我諗呢句,真係個個fresh grad都終生受用。

幼教 出路

 

【延伸閱讀】nursing 讀咩| 學科讀乜做乜睇真啲- 護理學!

【延伸閱讀】社工課程- 學科讀乜做乜睇真啲- 社工系!

 

此文章純屬 Blogger 個人分享,並不代表本網誌立場。


想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments