新sem開咗幾個禮拜,有位住宿舍既同學應該都已經係宿舍訓咗三四個星期啦。唔知道訓係你身邊既rm同你又啱唔啱key呢?我就問咗下我既朋友關於佢地既「好」rm,佢地就話rm有啲習慣好難頂,有啲聽完我都嚇親。唔知道你地又有無遇上過地獄Roommate呢?

想住Hall既你,第一次要同一個唔識既人一齊住,有冇諗過會遇到啲點樣既Roommate?快啲一齊睇下,準備定啲心理準備啦!Tutor Circle尋補今日講hall。

宿友

宿友 

  • 勁勁勁勁勁勁污糟既rm

 

有啲rm唔知道係太懶,

定生活愛好,特別污糟。

衫又唔洗,涼又唔沖,

成枱都係鼻涕紙巾既我都見過,

一啲都唔講衛生架。

記得我曾經聽聞過有個女神

係張床底到擺咗舊pizza,

唔知係咪係怕擺係pantry會比人偷。

最後佢好似無咗依回事,

完全無理到塊pizza,

然後……

成間房都係蟲蟲。

雖然唔知道最後佢點執手尾,

但係係到奉勸各位宿生,

食物都係唔好放係床底啦~

唔講衛生既唔止既,

我仲聽過朋友話佢未見過rm刷牙,

所以佢rm個口好臭,

臭到成間房聞落似爛咗既香蕉,

搞到落咗堂都唔想翻佢間房。

我記得我當時比咗一個建議比我個位朋友,

就係買空氣清新劑

翻到間房狂噴,

可能都仲可以救到你既鼻既……

宿友
完全唔想再入間房!!!

 

 

  • 帶女朋友/男朋友翻黎既rm

 

知唔知一入宿,第一句要問你rm咩?

唔係你year幾,而係你出咗pool未啊。

如果你個rm係出咗pool既,

咁就真係恭喜你啦。

你rm會免費再送多個rm比你!

因為好大機會,佢會帶佢既男/女朋友翻黎搞搞震,

最後就緊係住埋係到,極大可能訓埋你張床。

作為佢地兩個既「第三者」,

你日日夜夜聽住佢地依依泣泣,

bb前bb後咁叫黎叫去,都咪話唔煩。

多咗位異性,你換件衫又要走去廁所,

又要時刻保持自己既形象,周身唔自在。

聽講呢,有人就因為rm帶女朋友翻黎訓,

連自己將床都霸埋。

結果,佢最後要翻自己屋企訓,

仲免費幫人比埋宿錢啊~

宿友
帶女仔唔緊要,佢唔係我女朋友先係重點。

 

 

  • 極夜訓但極嘈既rm

 

人人都夜訓,唔通人人都想夜訓咩?

佢夜訓你都夜訓,咁都唔係大問題。

但如果佢好嘈既話,咁就慘啦~

想像下,凌晨三點鐘,

仲發緊美夢既你,突然聽到……

「喂,中路中路!你搞咩啊?依家先黎lag機!」

你起身望一望佢。

佢就一面唔好意思咁講,

「sorry啊~ 大聲咗添。」

仲有,「啊~ 嘈醒你啊?」

係床上既你只有一句可以講:

「係啊 唔緊要啦

不過,通常極夜訓既rm

都會有一個共同既弱點。

就係……訓到皇朝八晏。

八半堂既你,記得將個鬧鐘較到有幾大聲得幾大聲。

明明已經醒咗,唔比鬧鐘嘈十五分鐘都唔好關鬧鐘,

好好咁提醒一下你rm:你今日係要上八半架。

宿友

 

 

  • 地震級鼻鼾聲既rm

 

鼻鼾聲依家野,人人都有。

不過有啲人既鼻鼾聲就係特別大,

真係講話地震級完全無誇張到。

不正式調查顯示,

有好多宿生就係因為rm既鼻鼾聲搞到訓唔著,

第二日上堂都無嗮精神。

但係大鼻鼾聲佢都唔想架。

我地作為親切既rm,

可以做既事就只有……

早啲訓同比佢更早訓著。

記得我曾經都有一個rm,

鼻鼾聲係比人大幾倍。

我都算係幾易醒既人,

所以好多時候都rm都會令到我失眠。

最後我買咗個耳塞,

都勉強訓得著既。

不過唔知點解,

到最後rm唔係hall到訓既時候,

反而有啲掛住佢既鼻鼾聲,

可能習慣咗有佢鼻鼾聲既陪伴掛。

宿友

 

雖然有啲rm比較惡頂,

但係嘗試去包容對方都係一件幾需要學習既事黎既~

始終你以前一直都係同你最熟悉既人一齊住,

離開自己既comfort zone,

學習一下點同人同住、溝通。

我覺得,都係對你自己既成長黎講好重要。

 

(畢竟,你既未來老公/老婆都可能有啲唔好既習慣架嘛呵呵呵)

 

備註:

  1. Sem: semester 既簡稱
  2. Rm: roommate 既簡稱
  3. Hall/宿:宿舍既簡稱
  4. 出pool:拍拖
  5. 八半:八點半,通指八點半既堂
  6. Pantry: 宿生既common area,可以煮食既地方

 

【延伸閱讀】住hall – 物理與心理上嘅住呵準備

【延伸閱讀】開sem – 每年sem one你總會見到嘅5種人

 

此文章純屬 Blogger 個人分享,並不代表本網誌立場。


想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

分享俾你嘅朋友喇!

Comments

comments