中學時期,最青春最熱血嘅回憶係咩?當然係同成班好朋友一齊搞SU,為左學生會仆心仆命,服務同學。各位候選內閣係準備與友閣競爭嘅時候,當然要R多啲sponsor返黎,為同學們爭取多啲福利同優惠。Tutor Circle 尋補就為大家準備左啲搵SU Sponsorship之前要留意嘅事,希望可以幫到各位勞苦功高嘅學生會內閣。

學生會優惠申請 - corp
搞學生會應該係好多人第一次搞活動嘅經驗。

1. 重量不重質?

有睇過學生會嘅福利list都應該會有一個印象,就係水蛇春咁長!中間其實有好多都用唔著或者唔會點用到,再唔係就根本冇心機睇,都唔知自己可以享有咩福利同優惠。R得愈多優惠返黎當然望落梗係愈勁愈威啦,但係搞學生會嘅原意應該係為同學爭取福利,即使搵到好多sponsor返黎,但大部分都唔係同學可以用得到或者經常可以享用嘅,咁個初衷就有少少冇左喇。所以搵Sponsor嘅時候亦應該要考慮同學係咪真係可以從中得益,與商戶互惠互利。

學生會優惠申請 - list
福利名單水蛇春咁長,睇到眼到花埋。

Tutor Circle都有為各學生會開放優惠比大家申請,包保大家用到之餘又有得著!

WhatsApp問下有咩優惠

 

2. 加唔加入學生會聯盟?

而家好多學生會會自發組織區內中學嘅內閣,成立一個該區嘅學生會聯盟;甚至有大型到全港學生會嘅聯盟組織,意在可以爭取多啲福利,無論係地區上定係種類上都更廣泛,亦較容易向一啲較大型嘅連鎖集團申請優惠。而且咁多中學嘅學生會一齊聚埋一齊,亦可以方便搞一啲聯校嘅活動,促進唔同學校嘅交流,識多啲朋友仔,擴闊社交網絡。

學生會優惠申請 - Avengers
加入聯盟方便爭取更多優惠,亦有利搞聯校活動。

圖片來源:CNet

 

3. 同店家溝通好

有時學生會冇同商舖溝通清楚,有啲優惠唔係時時有,又或者係受某啲條款限制,呢啲全部都要同店家溝通清楚,仲有個優惠要點樣先用到等等,最好就白紙黑字寫清楚,簽埋份合約就萬無一失啦,最緊要保障返雙方嘅權益!如果個優惠唔係就咁就用到,例如要買滿指定金額先用得,又或者買指定產品先用得,呢啲都記住要列出黎同你嘅同學講明,廢事大家有啲咩誤會。

學生會優惠申請 - contract
簽份contract寫清楚內容,保障雙方權益。

 

4. 禮貌對待店家

人地唔係奉旨要比優惠你,應承左提供優惠之後都要保持良好態度,禮貌地同商戶溝通,而且唔好諗住人地答應左就可以唔理住,有message又拖住唔覆,咁樣都會令到店家覺得你唔夠負責任,而且態度模棱兩可,並唔係咁需要呢個優惠,影響雙方嘅合作。

學生會優惠申請 - message
初步搓商成功唔代表可以放心,要繼續以禮相待。

 

5. 落選後可以轉讓福利

有時候某啲內閣會爭取到獨家福利,即係同一間中學只有呢個內閣享有該福利,萬一咁唔好彩落選左都唔好浪費左辛辛苦苦為同學爭取返黎嘅優惠,同提供嘅商戶溝通好,將原先有嘅福利轉介比當選嘅內閣,咁同學們就可以有更多福利享用啦!畢竟大家參選嘅出發點都係為左同學們,即使輸左都可以保持友好關係,一齊出一分力。

學生會優惠申請 - handshake
獨家福利可以轉讓,大家互惠互利。

 

小結

身為一個候選內閣,同友閣嘅善意競爭固然重要,但都唔好唔記得當初決定搞SU嘅初衷,為同學,為母校。希望大家都可以幫自己學校嘅學生爭取多啲福利,不論校外校內,成為老師同學生之間溝通嘅橋樑。尋補為各位打氣,準備左簡單易拎嘅Sponsorship比各SU內閣,希望可以為各位同學打打氣!

WhatsApp查詢一下

 

【延伸閱讀】追求 夢想 – 我只想青春無悔

【延伸閱讀】比錢買難受,人點解要『上莊』?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

分享俾你嘅朋友喇!

Comments

comments