好多人都會話去exchange係一件畢生難忘嘅事,因為一生人好難再有其他機會去比你係外國一路讀書一路玩,認識當地文化同埋外國朋友。但係,去exchange都要做足準備,以免浪費呢個寶貴嘅機會.

1.做定功課

係去exchange之前要瞭解當地文化係點,有咩禮儀;有咩禁忌;法例同香港有咩唔同(例如交通規則);當地人唔鐘意啲咩,例如係法國,就算啲人識英文,都未必願意同你用英文交流。有咩疑問就係去之前盡快問google啦。

exchange 1

2.積極參與活動

就算你係香港嘅大學好少參加活動都好,係當地去唔同嘅活動可以令你對果個地方嘅文化有更多認識嘅同時,亦都令你結識更多世界各地嘅朋友。同埋如果一個人選擇收埋自己,咁其實佢係咩地方都唔會有分別。

大學 exchange 6

3.理財

係外國,一個對你黎講可能係全新嘅地方,接觸呢個花花世界嘅你,可能會有好多野想玩、想去、想試,但係做呢啲野嘅同時,唔好忘記唔好洗突左,尤其是係借屋企人錢去嘅學生。如果有啲野你唔係特別想試,又洗好多錢嘅話,就let it go啦。

大學 exchange 3

4.避免依賴香港朋友

一個人係外國,你可能會驚,但呢個唔係你係外國痴住香港朋友嘅藉口。作為一個成年人,要識得衝破自己嘅comfort zone,如果一有事又搵番自己嘅朋友嘅話,其實同「裙腳仔」無咩分別。

 

5.比係香港果陣更有禮貌

人嘅刻板印象可以好深,當遇到一個禮貌唔好嘅外國人,可能就會覺得果個國家所有國民都無禮貌。特別係唔係所有外國人都會熟悉香港,甚至佢地可能會對香港一無所知。所以,作為一個香港人,為左香港嘅形象,請大家係外國保持番應有禮儀。

 

【延伸閱讀】芬蘭exchange – 入到大學,最想做的不是大學五件事而係。。。

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments