香港中學生為左應考DSE入大學,報大量補習班又請私補老師,呢個情況已經見怪不怪,呢個香港既補習文化已經相當普遍。入到大學,話晒大學都係一個追求知識、學問既地方,大學生應該要有能力去自主學習,就算自修讀唔掂,最多都係去搵下professor、請教下同年學霸姐,竟然都有有一啲針對大學生提供既服務例如補習、請槍寫論文,大學生唔係應該要有「接受挑戰」、「獨立」、「創新」呢啲特質架咩?今日Tutor Circle尋補就黎講下關於大學補習嘅一啲現象。

1.缺乏思考

傳統教育系統入面出黎既大學生,經歷升中試文憑試呢啲難關入大學,所接受既教育都係一啲僵硬既填鴨式教育,制度唔鼓勵學生思考,只重視分數,往往舜應試技巧、對課題既熟悉程度去考核學生,唔跟從規矩既就入唔到大學,漸漸大家都對out-syl野好反感,對學習失去興趣,上到大學咯,除左要交paper個陣拎2本根本冇興趣既reference book返黎抄下,落下注,完全缺乏思考過程。

 

2.習慣依賴

呢一點同傳統家庭教育既溺愛有關,直升機家長為左仔女付出一切,過度保護,唔比佢地有機會獨立成長,好多仔女都冇機會做家務,升到中學返學放學都要父母湊,成績唔掂即刻就幫你換個補習老師,再唔係報多幾間補習社,又迫小朋友參加唔同既興趣班,根本所有野都係家長安排好晒,試問點樣令小朋友長大黎識得獨立同培養佢地自己解決問題既能力呢?

 

3.缺乏獨立解難能力

補習文化既興起,部分原因可以歸咎教育制度,但學生都要負上一定責任。學業出現困難,第一時間竟然唔係去諗我應該點樣讀先可以解決佢,或者我成績唔掂既問題出左去邊,而係第一時間去諗補邊個名師,去跟邊個同學補,遇上難題唔係去搵解決辦法,咁搵補習當然係其中一個解決方案,但我係批評個種完全冇打算過自己讀、直接去依賴補習既思想,尤其作為一個大學生,你地係社會入面既精英,如果連基本既解難能力都冇,我地呢個社會可以點樣依賴你地?

 

希望睇到呢到既你,本身如果已經好獨立,我好欣賞你,但如果你係仲想搵大學補習既話,希望你能夠好好諗下,自己讀左咁多年書,每個階段都依賴人,咁你出到社會工作可以依賴邊個?

 

【延伸閱讀】入到大學,最想做的不是大學五件事,而是去exchange

【延伸閱讀】Ocamp – 一個大學新鮮人說的大學生活二三事(菲亞)

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments