督察起薪四萬幾,頂薪八萬幾。而除左薪高糧準之外,係警隊工作可以享有公務員福利同埋鐵飯碗都係呢份工吸引嘅地方。唔少大學生入U之後冇咩特別嘅職業志向都會考慮下考督察,但係呢份工絕對唔易考,因為唔少猛人都想爭到呢份工,依家Tutor Circle 尋補就試下分析有咩可以幫到你考到督察啦。

1. 訓練體能

雖然考督察要求嘅體能無消防員咁高,但係咁唔代表好容易。事實上,每次考體能果陣都會有大約一半人唔達標。而最多人唔合格嘅地方就係800米跑、4×10米穿梭跑,好多人跑黎跑去始於都係達唔到要求。

入U考督察 - physical
考紀律部隊一向對體能嘅要求都十分嚴謹,督察都唔例外。

 

2. 語文水平

只有英文水平好高嘅人先可以應付到督察嘅日常工作。因為督察除左要面對大量嘅文書工作外,亦有機會要接受記者訪問,如果係接受外媒訪問果陣”errrrrrr”就真係等收大信封。聽講過督察面試果陣曾經要求求職者用英文即場演講。

平時英文對答已經唔多掂,仲要演講,點樣可以快速提升英文水平?

學左咁耐英文都唔掂

入U考督察 - English
考督察除左重視體能之外,英文都要有返咁上下程度。

 

3. 輔警計劃

警隊設有「大學生輔警計劃」令大學生可以係假期果陣嘗試輔助現職警員工作,除左令佢地對警隊有更多認識外,亦都可以為未來投考督察做好準備。所以有心加入警隊嘅話,就盡快報名啦。

入U考督察 - police
參加「輔警大學生計劃」可以為未來投考督察做好準備。

 

4. Management skill

呢個先係督察最難嘅地方,因為除左學業好、CV好之外,做得督察份人亦都要好醒目。假若你有幸成功考到督察,當你係職場果陣係需要管好一班年紀比你大,資歷比你深嘅老差骨,要管得佢地服並唔容易。

入U考督察 - management
督察需要多元技能,並唔止單靠衝勁同魄力。

 

【延伸閱讀】fresh grad幾時搵工 ?

【延伸閱讀】考公務員 | 點樣先可以有個鐵飯碗?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

分享俾你嘅朋友喇!

Comments

comments