無論古代既主要靠紙張傳播既資訊媒介,去到20世紀無線電、固網電話同電視既興起,再到21世紀網絡世界主導「Web 2.0」資訊自由流通既年代,形式點變都好,資訊傳遞都係人類社會建構重要既一環,到左現代更被視為學科叫「傳媒學」,香港有唔少開設傳理課程既大專院校,但係愈黎愈多人擔心,究竟讀完係咪剩係可以做記者,你知啦做記者既人工待遇真係麻麻地架嘛,就令到唔少對傳媒系有抱負既學生卻步,今日Tutor Circle 尋補就同大家一齊睇下傳理出路!

本地傳理課程

如果想入港大傳理既話,係需要經過文學院大類收生,第二年先再揀major㗎!

 

傳理出路

隨著科技既進步日新月異,傳播既形式亦都不斷創新,除左文字、圖像同廣告,仲有創意媒體同唔同既新媒體,傳播既種類愈多,傳理系出身既學生就愈多機會,而家就睇下有咩工種適合傳理人啦!

 

1.採訪記者

傳理出路 - Paparazzi
唔少人對記者既印象都係煩人既狗仔隊。

通常諗起採訪記者,都會聯想到「狗仔隊」,其實採訪記者都有分好多種類,除左娛樂八卦雜誌既採訪記者,仲有時事採訪記者,每日為大家緊貼社會最新動態,亦都有財經採訪記者,焦點採訪政經消息,體育方面都會密切追捕著唔同既體育消息,媒體需要大量有敏銳觸覺既人去搜捕最新既第一身消息,以保持自己緊貼潮流既競爭力。

 

2.編輯/文字記者

傳理出路 - a man is printing newspaper
編輯每日都要面對住海量既文字,相信入得呢行都係非常喜歡寫作既人。

雖然現代科技愈黎愈重視快,對於文字資訊既傳播需求可能會低左,但最傳統既文字依然係資訊傳遞中最為重要既媒介,因為文字既客觀性同準確性可以將最準確既資訊傳比大眾,因此一直都係大眾媒體既支柱,可能形式上有所不同,例如紙媒雜誌既衰落,但隨之以來既網媒、電子雜誌、網上新聞都需要文字去傳播資訊。

 

3.廣告設計/Copywriter

傳理出路 - A man is typing
Copywriters唔單止識得寫作,而且仲要係文字中巧妙傳播訊息。

傳理系當然唔係剩係同新聞掛勾啦,呢個只不過係好多人既誤解,其實傳理既目的就係要學點樣有效地將資訊傳達比大眾,依廣告行業正正就需要將產品服務有效地推廣比客戶,甚至到建立公司品牌等等呢啲聽落比較marketing既野,不論係文字、圖像定影像,當中都涉到好多關於傳播學既技巧,本地大專課程都會針對唔同種類既媒介開設課程,令你係職場有一技旁身。

 

4.電視記者

傳理出路 - 女新聞主播
新聞主播每日都有大量既曝光率,即使轉行亦大把人爭住請。(圖片來源:TVB)

成為電視新聞主播係唔少讀傳理既人既夢想,每日可以接觸到全港觀眾,就好似變左身做明星咁,但其實比你係電視台上見到既主播都只係萬中無一既傳理學生,極大多數都係進行編輯、較對、寫稿等等幕後既工作,需要無得上鏡,但待遇絕對唔差㗎~

 

5.電台主播

傳理出路 - 光明頂主播
以前既電台已經逐漸被取代,取而代之既係網上媒體。(圖片來源:商業電台)

做唔到電視記者都唔緊要,有冇考慮過做電台?雖然聽落電台好似係老一輩既產物,通常只有上左年紀既人先會日日聽電台,不過都依然仲有好多電台仲運作緊亦都有需求㗎,例如大家最熟悉既香港電台(RTHK),香港新城電台(新城財經台)同香港商業電台(881、903)。

 

6.影視娛樂行業

傳理出路 - 杜汶澤和雷宇揚
香港既電影業市場不斷萎縮,想入行既人愈黎愈少。(圖片來源:低俗喜劇)

本地唔少傳理課程都已經積極加插左好多影視創意媒體既內容,目的係為左追趕上21世紀資訊傳播既步伐,好似係社交平台,優質既圖像同影像先至係最能夠扣人心弦,市場對呢類創意媒體既需求急促上升,因此傳理慢慢要學識呢方面既製作,有助佢地投身影視娛樂行業,好似係導演、美術指導、拍攝、剪接、編劇等等既工作。

 

7.公關

傳理前景 - 100毛
有出色既公關技巧,自然可以拉近同顧客既關係。(資料來源:100毛)

公關係一種溝通既延伸,著重於與媒體溝通的專業能力,係marketing既目的在於增加產品銷售、提高客戶滿意度,以達成組織與相關公眾之間瞭解與信任的目標,達致公司最高目標,成日都聽人講「關公災難」,就係公關人員出左明顯既錯誤,因此一個好既公關一定要懂得傳播既技巧,理解群眾既心理。

 

總結

傳播既世界大到你唔信,只要你搵到屬於你既領域,加以鑽研,可能係文字,可能係拍片,可能係畫圖,你就能夠係呢個變幻無常既世界裡面站得住腳!

 

【延伸閱讀】文化研究 出路 – 文化研究係咩?研究完有咩工揀?

【延伸閱讀】政 政 出路 – 讀政政有幾多人從政?唔從政有咩出路?

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments