想入中文大學既同學要留意啦,CU最出名既就係佢既書院制,你揀既書院既生活,係決定左你黎緊大學生活(Ulife)既一部分!但係中大有成9間書院,究竟點樣先知道咩College啱自己呢?以下就選出左5個中大書院比較既準則,等同學可以係真正要揀書院之前認識一下9間書院先!Tutor Circle尋補今次同大家比較中大書院!

 

(一)Exchange programme

中大書院比較
好多大學生都會透過oversea exchange去探索世界。

書院既programme通常都只係比書院內既人報名,亦都係大學資源既一部分,想係大學體驗得更多一定要注意!每個書院都有屬於自己既Exchange計劃,但最緊要睇下大學既選擇岩唔岩自己。

 

聯合:UC GOAL邁進地球村,長期海外交流計劃及要求短期海外學習計劃Exchange相關獎學金、資助、貸款

新亞:一年/一學期既Exchange、暑期交換計劃(牛津大學哈特福學院、耶魯大學、湖南大學)

崇基:放眼世界計劃,一年/一學期交換計劃海外語文學習團暑期留學計劃德國/ 法國/ 日本社會探索之旅

逸夫:交換計劃合作大學

和聲:長期交流計劃冬季交流計劃

伍宜孫:交換交流計劃寰宇學習獎勵計劃(學生自己plan行程,然後將計劃交比書院申請資助,非常有趣、有自主性)

善衡:海外交換計劃

敬文:交換計劃

晨興:交流計劃

去Exchange有咩要準備呢?

新手上路,Exchange準備!

 

(二)特色設施

中大書院比較
中大優美的自然景色令不少學生心動。

書院既設施絕對係學生既福利之一,通常都會開放比其他書院既同學。雖然每個學生都可以使用大學既體育設施,但書院既體育設施就通常只有書院內既學生先可以用,如果唔想同人迫既話,最好都係用返自己書院野最好!

 

聯合:胡忠圖書館、思源館(酒吧、表演台、卡拉OK及桌球室)、特色餐廳(中菜館聚賢軒)

新亞:錢穆圖書館、BBQ爐、圓型廣場、合一亭(天人合一)、特色餐廳(台式麵食雲起軒)

崇基:牟路思怡圖書館、特色餐廳(清真can、蘭苑)

逸夫:BBQ爐、戶外籃球場

和聲:和聲學生在和聲餐廳消費可享8折、特色餐廳(甜品Cafe Tolo、上海菜滬軒)

伍宜孫:海景健身室、圓夢臺(休憩平台)、創意實驗室、The Lounge(休憩空間)

善衡:何善衡館(多用途禮堂,for書院聚餐)

敬文:多用途功能禮堂、Lanson Terrace(戶外休憩平台)、Lanson小型圖書館

晨興:特色餐廳(西餐宴會廳、咖啡閣Caffe Liscio)

 

(三)宿舍計分方法

中大書院比較
住hall絕對係ulife重要既一部分。

唔同書院有唔同既計分方法,例如你住個區所加既分數,每個書院都有唔同既準則,想住宿既話一定睇下邊個書院既計分方法對你最有利。需知道係中大入面要有宿並唔係一件易事(除非你住沙頭角、長洲…),所以及早為住宿做好準備,費時到時想住又冇得住,唔想住又住足4年!如果你一定要住宿既話,晨興、善衡、敬文就岩晒你,呢3間係一定住足但年,仲有定期全宿共膳。

詳細宿分計算詳情及分數cut-off

 

(四)有冇FYP?

FYP即係Final Year Project,要畢業既話就一定要做,同書院內其他唔同學院(文學院、理學院…),workload大約就好似進階版既IES咁啦,但唔係每個書院都有FYP,而有FYP都唔洗咁愁,因為冇FYP既書院就要另外讀其他course去填返個3cred。

中大書院比較
FYP對同組有freeriders既同學黎講簡直係災難。

有:聯合、崇基、伍宜孫、敬文
冇:新亞、逸夫、和聲、善衡、晨興

 

 

(五)部分特色活動

每個書院都有屬於自己特色既活動比書院內既同學去搞,如果有興趣想上到大學多樣活動玩,識下唔同major既人,就要留意啦!而新書院既活動就未必有舊書院咁成熟,但活動就各有特色,視乎你鍾意多人定少人既活動啦。

中大書院比較
中大四院會師人數眾多,場面壯觀,係每年ocamp重要既一環

聯合:院長盃(陸運會、水運會、足球、籃球、排球、羽毛球、網球、乒乓球)、院慶(大笪地、千人宴)、聯合繽紛樂(競技體驗)、聯唱

新亞:院慶(大笪地、千人宴)、院長盃、新唱、新亞夜

崇基:崇慶(嘉年華)、傅元國盃(拔河、足毽、男籃、女籃、排球、羽毛球、足球、乒乓、牌藝及競技)、崇唱、週五黃昏音樂會

逸夫:Shawlane(綜合晚會)、院長盃、院慶(Fashion show、晚會、運動日、千人宴)、逸唱

和聲:陸運會、院長盃、院慶(千人宴、大笪地、競技塔)、Sunset Concert

伍宜孫:院慶(Sunny Festival、523人宴、環校跑)、才藝節

善衡:全宿共膳、7次High Table Dinner

敬文:全宿其膳、High Table Dinner

晨興:MC Film Club、One Book Programme、Annual BBQ

(小編對聯合以外既書院認識唔太多,或多或少會寫漏寫錯,多多包涵)

 

除左以上呢幾個準則之外,其實仲有其他既因素去選擇書院既,例如宿舍交通、書院通識課程/Assembly、書院歷史、獎學金或資助、宗教背景(崇基既基督教氛圍比較濃厚)、宿舍宜居度等等,在此不能盡錄,但係講到尾,點樣揀最重要都係岩feel!

 

【延伸閱讀】入得中大 你唔係唔知啊?- 剖析大學系列!

【延伸閱讀】Hotel Man 出路2大迷思

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook Instagram,尋補?Tutor Circle

 

Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

分享俾你嘅朋友喇!

Comments

comments