政府工,又名「鐵飯碗」,係好多人死爭爛爭都想考到嘅工。人工高,福利好,有咩經濟波動都唔會比人炒。好多大學生都想畢業後投身政府。但係,非三大,甚至係無大學學歷,單憑一個中六畢業嘅學歷係咪就代表搵唔到政府工?
Tutor Circle 尋補可以話你知答案當然唔係啦。

1. 文書助理(CA)

文書助理要求較低,只要求應徵者有中四學歷;中文打字速度20字;英文打字速度30字;識用商業軟件。呢份工頂薪都有二萬幾,以中六程度而言,人工都算唔錯。

 

2. 助理文書主任(ACO)

助理文書主任同文書助理嘅要求十分相似,只係係學歷方面略高少少。呢份工嘅最低要求係應徵者需要係DSE入面考得5條2,而且呢5科入面必須要有中、英、數三科。中文打字速度、英文打字、商業軟件應用嘅要求就同CA一樣。呢份工頂薪係二萬尾,可以當係CA嘅升級版。

中六畢業考政府工 - ACO
助理文書主任同文書助理嘅要求相似,分別只在於學歷要求。

 

3. 消防員

唔想對住文書對成世?做消防員都係一個選擇,消防員嘅學歷要求係係DSE入面拎到5條2,而且呢5科入面一定要有中、英兩科。但係,消防員對體能嘅要求係極高。如果你唔係操到好fit嘅話,唔操番幾年基本上無可能達標。

中六畢業考政府工 - firefighter
唔中意對住字海做文書工作嘅話,可以考慮體能活動較多嘅消防員。

 

4. 警察

自問體能達唔到消防要求?有無諗過加入警隊?唔少人都會恥笑警察係毅進仔,雖然唔係每個警員都係毅進仔,但由此可見警員嘅學歷要求都算低。而且,警員嘅體能要求較消防員低。所以想捨難取易嘅話就可以考慮考警察。

中六畢業考政府工 - police
唔想做文書工作但體能未達消防要求可以挑戰一下警察。

 

【延伸閱讀】考公務員 | 點樣先可以有個鐵飯碗?

【延伸閱讀】中六畢業出路 指南針

 

此文章純屬 Blogger 個人分享,並不代表本網誌立場。

 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle

分享俾你嘅朋友喇!

Comments

comments